الاثنين، سبتمبر ١٧، ٢٠٠٧

سبتمبر جانا وافرحنا به بعد غيابه ...أهلا سبتمبر


مبارك عليكم ما تبقى من الشهر
زملائي ..أصدقائي المدونين والمعلقين والانترنتيين هذا ثاني رمضان يجمعني وياكم وإنشالله مو الأخير بعد مرور سنة و3 شهور لي معاكم كل اللي أقدر أقوله انكم بالنسبة لي عائلتي الثانية ...أستمتع معكم , أستفيد منكم , أشتاق لكم , أحبكم
ويبقى الأكبر هو ما تعجز الكلمات عن قوله وتفسيره فيظل بالقلب راجيا من الله في هذا الشهر الفضيل أن يغفر لنا ولكم ويرزقنا وإياكم دوام العافية وتمام العافية والشكر على العافية
سيكون لي كالعادة وقفة مع بعض الاعمال الرمضانية التي تملأ الفضائيات في كل رمضان ولكن بعد فترة لأتمكن من النقد بشكل موضوعي ولو أن الكتاب باين من عنوانه

هناك ٢٧ تعليقًا:

الأستاذ بلاليط يقول...

مبارك عليج الشهر الفضيل

ربي يحفظج

Mishari يقول...

شوفى ودي اقرق واقول بس انتى تعرفين معزتج عندى وشلون احترمج واقدرج وصج انتى من الناس المميزين اللى فعلا الواحد يحب يتعرف عليهم لاسباب كثيرة
1- معلومات واسعة
2- في فكر
3- ما تناقضين الشارع
طبعا وهم فيج خفة دم حلوة
بس واللى يعافيج لا تستانسين وايد
روحي طبخي ولما اقول طبخى مو
سلطة
وفيمتو
وتانك

ابي طبااااااااخ
:)

lawyer يقول...

علينا و عليج الباجي من الشهر

تكفيييييييييين لا تنتقدين نمر بن عدوان

سسسسسسسسسسسكتي هالمسلسل لي وياه قصه

بتموتون ضحك عليها

نون النساء يقول...

@@

تويتي؟؟

ماتغنيشش ...الغناء حرااامــــن

:P


مبارك عليج الشهر يارب
وعساج من العايدين والفايزين




هاااا
دشيتي الكتشن ولا للحين

:P~~

DiLLi O MiLLi يقول...

يـــاااا هلالالالا ومرحبــا بمــن حبــااا ودبــااا وركــب القُليلبــه
:)


~: مبــــارك عليــك الشــــــهر :~


سمعت أنج من محبين الكاتب عبــدو الخــال .. أنا موو من قراء الروايات انا من قراء المقالات وخاصه السياسيه .. بس عندي صديقة عزيزة على قلبي وهي
White Wings
عبـدو الخـال حبيب قلبها .. فأنا وصيت أحد المكتبات بالكويت على كل رواياتة اللي ما قرتهم ويابوهم لي من مصر .. وساعتها كان معرض الكتاب في مصر
المراد .. توني متصلة عليهم وقالوا عندهم رواية "نباح"لعبدو الخال .. وقلت لهم أن عندي صديقة تبي بعض رواياتة تقدرون تييبونها لها ؟ قالوا حاضرين يا أم مشعل (هذا أنا :)!!)فا المكتبة أسمها :"دار العروبة"في حولي يم مكتبة العجيري تليفونهم
2664626
كلمي وحدة مصرية أسمها أم أمل وقوليلها أنا صديقة أم مشعل(هذا أنا :)!!)وطلبي الكتب اللي تبينها

:)

ولالا تغطيين .. جنه هالمره أنا اللي غاطه هههههه
فاتني جم بووست لج

:)

Q8DOLL يقول...

مبارك عليج الشهر
وكل عام وانتي بخير
توني أتعرف على مدونتج
وعلقت على البوست السابق
مدونتج حلوه
ويني عنج من زمان ؟ :)
متابعه انشالله

sologa-bologa يقول...

هالله هالله بالنقد الزين
:)
حلوة أهلا سبتمبر يازت لي مرررة
:)
صج العيال كبرت

الله يعينج على متابعة القنوات والمسلسلات
لي الحين ما قدرت أشوف حلقة وحدة بسبب الاعلانات
يا كرههم

عموما البوست اللي طاف ما أدليت بدلوي لأني دلوي خلص مافيه شي
وانتي كفيتي ووفيتي وأنا متفق معاج مية بالمية

ودمتم بحب وود

PearL يقول...

بما اني مو متابعة ولا مسلسل

غير نمر بن عدوان وعرس الدم
وللاسف ما لحقت على الخراز ولا شاهين

فناطرة نقدج على احر من الجمر


كل عام وانتي بخير

Kuwaitizen يقول...

:)

violinist_q8 يقول...

كل عام وانتي بخير

ومبارك عليكم الشهر

Najmah يقول...

علينا وعليج يتبارك

وكل عام وانتوا بخير يارب

kila ma6goog يقول...

waiting for ur new posts

:)

Kasik Ya Watan يقول...

كل عام وأنتي بخير ... ومنتظرين النقد

QiYaDiYa يقول...

مبارك عليج الشهر ..

بوستاتج دايما مميزة ..

و ليلحين اذكر بوستج عن مسلسلات رمضان العام ..

و بانتظار وقفتج على حال هذه السنة ;)

عاجل يقول...

علينا وعليك
اهلا بالعائلة

Mamloo7a Q8ia يقول...

مبارك علينا وعليج يا رب
والله يعلم شلون احنا بعد نستمتع في اللي تكتبينه
الله يتقبل طاعتنا
وبانتظار نقدج على البرامج والمسلسلات

charisma يقول...

هههههههه
نااطره نقدج بفارق الصبر

من عواده حبيبتى انتى
:*

tweety يقول...

الاستاذ بلاليط

مرحبا الساع هلا وغلا باهل الامارات
علينا وعليك انشالله

الله يسامحك شهيتني بالبلاليط


mishari

اولا الواحد المفروض لما يقول كلام حلو ما يمن ويتحسف
ثانيا انت اصلا ما يبت شي من عندك وما تقدر تنكر هالصفات فيني
ثالثا كيفي بستانس واكيف وانعجب بروحي
رابعا يالبطيني اشوى انك مو ريلي ولا خالتي ام ريلي واذا تزوجت ذكرني ما اقولك ولا اعرف ريلي عليك
:p

tweety يقول...

lawyer

لوووول
لا تحاتين هالمسلسل ما تابعته فما اقدر اكتب عنه شي وحتى لو متابعته عشانج ماراح أكتب عنه تمونين يا لوير


نون النساء

أحاول بس ما أقدر أنا موهوبة وصوتي شمعة تحترق من أجل الآخرين ! :p

حبيبتي علينا وعليج
يختج انا والكتشن مو راضين انتوالم مع ان مافي بقلبي شي عليه بس اهو مو حابني


dilli o milli

يادللي يا دللي
هلا باللي علي طول
بعععععععععععد عمري والله ما قصرتي يا ام مشمش نخدمج بالافراح انشالله

اي رحتي وقلتي عدوا لي عاد مو تقاطعين مرة ثانية بيصير بينا عيش وملح وخال :)

tweety يقول...

q8doll

وانتي بخير وصحة وسلامة
والساعة المباركة يوم دليتي المدونة ونورتيها وتراها حلوة بوجودج ووجود المعلقين اللي مثلج وشرواج
انشالله لا تقاطعين

by the way:خذيت طلة على مدونتج رائعة وترقبي زيارتي


sologa bologa

وانا يايزتلي مرتين :ppp
اي والله صاج لوعوا جبودنا

لا لا تقول دلوك مهم ماسمعت المثل القائل : كل من بيدلي بجليب الجار دلوه؟
:p

tweety يقول...

pearl

وانتي بخير يا عمري
انشالله بس ماراح أكتب الحين عن المسلسلات يبيلي وقت وأشوف حلقات أكثر عشان ما أكتب شي اتحسف عليه خبرج مسلسلاتنا طول الشهر شي وآخر الشهر شي ثاني


kuwaitizen

:) :)


violinist_q8

وانت بخير وعلينا وعليك
لا تغط وايد


najmah

أجمعين
هلا والله بنجمة النجوم :

tweety يقول...

kila ma6goog

انشالله يعجبك
:)


kasik ya watan

وأنت بخير !!!
أنت وييييييييييييينك !!!؟
ياهلا ومسهلا تو مانور البلوق
سلامي الكثير حق لولو
لكم وحشة والله


qiyadiya

علينا وعليج
يا عمري أنا بوستاتي متميزة فيكم ومتابعتكم وتعليقاتكم

انشالله بس يبيلنا وقت اشوي عشان اتأكد من اللي بكتبه


عاجل

لوول
هلا فيك
أحس جنه دعاية مذر كير أهلا بالعائلة
:)


mamloo7a q8ia

يا عمري يا ملح البلوقات كلها
منا ومنج انشالله
انشالله خير بس راح أنطر شوي لي بعد نص رمضان عشان نشوف اللي عمرنا ماشفناه

:)



charisma

ياربي ماودي انطرج وايد بس مضطرة عشان محد يلومني عاللي بكتبه والله يستر

بعدين جذي ترى أصدق روحي وأصير ناقدة باجر
:p

ReLaaaX يقول...

يابعد قلبي ياتوتووووووووووو
والله العظيم لج وحشة يابنية

ومبااااااااارك عليج اللي بقى من الشهر .. وان شالله نشوفج قبل العيد بعد :)))


استانس على مواضيعج واستانس على اسلوبج بطرح المواضيع ^_^


عسى الله لايحرمنا منج ولا من روحج ولا من طلتج البهية ;)

طائر بلا وطن يقول...

كل سمتمبر و انتي بخير

و مدونتك جميلة بالفعلة .. ناضجة و قيمة
و خفيفة دم بعد
:)

مبارك عليكم الشهر
و عساكم من عواده
بالخير و الطاعة و العفو و الغفران

بالإنتظار .. رغم اني مو متابع إلا مسلسل و نص

النص .. اشوفه يوم و اطوف يوم
:p

طائر بلا وطن يقول...
أزال المؤلف هذا التعليق.
طائر بلا وطن يقول...

اشيطلع سمتمبر بعد؟؟

و بالفعلة؟؟؟

الله المستعان .. و السموحة إذا في بعد
:)

tweety يقول...

relaaax

يا حلوة يا قمرية يا زينة الحلوين
أنا موجودة بينكم إنشالله
عسى أيامج كلها وناسة وإنشالله دائما نقدم ما يعجبكم ويونسكم!

حشى قناة فنون مو بلوق :p


طائر بلا وطن

الله يسلمك
أنا ترى أستحي إذا مدحتوني وايد :)

ماعليه ولا يهمك البدليات دليل إنك صايم :p
تابع البوست الياي وراح تحب روحك إنك ما كنت اتابع المسلسلات