الجمعة، مارس ٢٣، ٢٠٠٧

وينهم !؟؟

عندما كنت صغيرة شاهدت فيلما عربيا المفروض أنه فيلم رعب بإمكانيات متواضعة ( في الواقع لا أستبعد أن يكون منقول من فيلم أجنبي كعاداتنا وتقاليدنا العربية في الاقتباس دائما وأبدا ) ورغم ذلك صروعني وخرعني , كانت القصة تتمحور حول شلة صديقات يتم دعوتهن لحضور حفل ميلاد إحدى صديقاتهن وعند وصولهن للمنزل المرعب تتوالى الأحداث المفزعة بعد انقطاع التيار الكهربائي وتبدأ الصديقات بالإختفاء واحدة تلو الأخرى فجأة وبشكل غامض حتى يتم القبض على المجرم أو القاتل بالنهاية بعد أن قام بتصفية الشلة مبقيا على البطلة طبعا والا ليش صارت اهي البطلة ( شفتوا الذكاء ) المهم ما أعاد هذه القصة إلى ذاكرتي هو صدمتي من إختفاء المدونين بشكل ملحوظ ومفاجئ ولا تفسير له ... حتما أتمنى أن يكون سبب إختفائهم خير على الرغم من عدم إقتناعي بغيابهم
Londony
fuzzy
kitty
EsteKana
soul voice
manoya
نيله
albandry
نون النساء
إن وصلتكم كلماتي أقول : ارجعوا للتدوين , مكانكم كبييييييييييييييييييييييييييير
وهذه الأغنية إهداء لكم

هناك ٣٧ تعليقًا:

QiYaDiYa يقول...

صح لسانج والله ..

مكانهم كبير و فقدناهم ..

بعد هذا مجتمعنا ..
محد يخلي احد بحاله ..
لما الانسان يكتب غصب يعرفون اهو منو ..
و لما يدرون عاد الله يعينج ..
فهني ما تحسين بالراحة و الحرية الي كنتي حاستها من قبل ..
فما تقدرين تكملين ..
و بعض المرات تصير مشاكل بسبة هالشي !


و نتمنى انهم يقرون بوستج هذا ..
و يرجعون ..

=)

charisma يقول...

بادره حلوه منج تويتى
حبيبتى انتى

بس صدقينى ما اختفوا الا لظروف حدتهم

عساهم بخير ومرتاحين هذا اهم شى

وما تدرين يمكن فى منهم موجود بينه

وفى منهم الى يتابع ويعلق

وانا مثلج اتمنى عودتهم للتدوين

احنا فى هالمكان الصراحه مو بس يجمعنا تدوين

فى امور اكبر من قراءه وتعليق قاعد تصير بدون ما نحس

صداقه اخوه اهتمام مداراة تعاطف مشاركه فرحه حزن
ظروف حلوه ومره قاعدين انتشاركها مع بعض

حتى نجره وهواش وقشمره
:)

Kuw_Son يقول...

لكل إنسان ظروفه الخاصة ..
و مثل ما قالت أختي القيادية ..

إذا تم اكتشاف من خلف المدونة .. أحيانا تستصعب الأمور على المدون نفسه ..

و أدري انه في منهم من تمت مضايقته ..

الله يعينهم ..

و بانتظار عودة المدونين

2 u ALL يقول...

ما كل ما يتمناه المرء يدركه
تجري الرياح بما لاتهوى السفن

هذه حال الدنيا ..!! فدوام الحال من المحال ..!! بس أنا أعتقد أنها المشاغل الشخصيه والعمليه والأجتماعيه..!! وبأن التدوين يتطلب من المدون "وقت" كبير وهذه مشكله كبيره..!! وأحيانا الظروف الأجتماعيه في الكويت ..!! والسبب الرئيسي هي محاولات "البعض" معرفة شخصية المدون والتطفل عليه ..!! هذا بعض الاسباب التي أعتقد أنها تجعل المدونين يختفون .. فجأه ..!!؟

Mamloo7a Q8ia يقول...

يا ليتهم يرجعون يكتبون في مدوناتهم اللي فعلا اشتقنا لها وايد
مشكورة على هالبوست

White Wings يقول...
أزال المؤلف هذا التعليق.
White Wings يقول...

هللو يا عصفورة
بوست رائع، عساهم يسمعون ندائك ويرجعون بالسلامة

Alather يقول...

صج ما امر عليهم وايد لكن اعرف انهم كتاب بلوقر

ليش
:s

Unknown يقول...

قدييييييييييييييييييمة

لعبى غيرها
الظاهر ذابحتهم ومبطقة قصة الفيلم عليهم ومسوية نفسج بريئة وانتى ام شرييين

توتو اليوم حاطين مسرحية عيال كبرت ومنسدح على القنفة وميت من الضحك

وما ادرى ليش تذكرت يوم غنى يونس شلبى
جاموسة راحت تقابل جاموسة ما لقتش جمووووسة يا عينى لقتها بقرة يا عينى
يااااا ليل
تذكرتج الصراحة
بس شوفى
شوفى
عصبت وتضحكين بنفس الوقت اقولج فيج شى انتى

المهم تذكرتها لان على اسم المدونة

يا توتو ;)

التوقيع

مشمش الوسيــــــــــــــــم :p

جنون إحساس يقول...

الله ايعين
كل واحد وله ظروف, أحياناً نفقد ناس
حبيناهم من خلف الشاشة
هذي الدنيا كلٍ وله ظروفة
--

عاد ولا مجتمعنا
يحبون التنبش

nachla يقول...

ولهت عليهم وايد
بالذات
نون وبلا نيلة
ليتهم يرجعون حتى لو في بلوق يديد
وفعلا الناس مزعجة وتحب تتدخل بالشخصيات وتعرف منهو


اذا قاعد يقرون يا ليت يرجعون

lawyer يقول...

اي والله صاجه
مشكوره على هالمبادره

اما عن فزي
فهو مشغول هاليومين

و ادعوله بالتوفيق

و نيله بعد دايما توصل سلام لكم

و انشاء الله راح تعود باذن الله

و البندري موجوده معانا في التعليقات و القراءه و ليس التدوين

استكانه انا قاعده احن عليها اتأجل فكره العوده لحين نهايه امتحاناتها

والله يا توتي انتي ما جربتي الحقوق اخر سنه

حاله هسترييه غير طبيعيه

24 ساعه بجي و امحاتات و لويه
على ادنات الدون تنعفس النفسيه

فاولى شي مستقبلها
و انشاء الله ترد و اهي محاميه :))

اما الباجي ما اعرف عنهم ..

Almas يقول...

يمكن ظروفهم ما تسمح لهم

ويمكن مشغولين .. ماشالله الوقت يمر بسرعة

عموما انشالله يرجعون .. في أقرب فرصة

sologa-bologa يقول...

نتمنى عودتهم الى التدوين

أو على الأقل التعليق

وندعو الله للبقية الباقية
أن يستمروا في مدوناتهم

والله المستعان


ودمتم بحب وود

Mohammad Al-Yousifi يقول...

هم السابقون و نحن اللاحقون

Cr8ivia يقول...

الله يوفقهم وين ما كانوا
و نتمنى عودتهم كلهم

Warda يقول...

الصراحه مكانهم امبين

and I miss them :(

سالفة قلب يقول...

ياجارنا ياااجار

لفته طيبه منج ياتويتي

ونداء نقوله كلنا لهم رجعوا ترى مكانكم فااااضي

مشكورة ياتويتي على المبادره هذي

ياجارتي العزيزه

:)

the tooth.fairy يقول...

I totally agree!


خاصة اللي اختفوا دون اي سابق انذار

;/


:** :*

العين الساهرة يقول...

شنو إسم الفيلم شكلى ما شفته!!؟

نعم مكانهم فاضى، إنشاء الله يسمعون النداء ويرجعون لأنهم وحشوووونااااااا

Nescafé يقول...

اي والله فاقدينهم ومكانهم فاضي
كل بلوق له طابع يميزه

الله يوفجهم كلهم.. ويردهم ان شالله

DiLLi O MiLLi يقول...

اي والله فاقدينهم
:(


(((( Kitty ))))

وووينج!!!؟؟؟







lawyer


ماااا عندج أخبار عن "كيتي"!!!؟؟

AuThoress يقول...

ويــــــــنُنْ؟


ودّ كبير لهم
ولــك ِ يا تويتي

tasty_as_berry يقول...

ازايك يا مفعوصة :)

عاملة أيـــه .. وحشتيني خالص خالص ..:*

انا اتفق معاج .. وأعتقد السبب الأول والرئيسي هو " المـــــزاج "

المزاج يعمل عمايل ..:))

أنا اعتبر النت شغل وقت فراغ غالبا .. لأني لما اكون متفرغة وفاضية اجابله عدل ..وأعتقد الكثير ينظرله من هالناحية ..

أو يمكن باله مشغول في امور أهم .. !!

بعدين يختج الكبر شين :/

تدرين انا شهابه فيه الحين ؟

كل اسبوع اجرب نوع من انواع المساج .. أما مساج الصخور يا ويلي ويلاه :)

kazmawy يقول...

قوة تويتى
انا عن نفسى فقدتنى لما خليت البلوق جم شهر من الصيف بس الحمدلله رديت من اسبوع
البنات الى هدوا البلوقات اعتقد والله اعلم اما تزوجوا واما اشتغلوا وبعضهم دراسة الجامعة موهقتهم والله يوفق الجميع
:)

loco يقول...

eshda3awa maco LOCO weena :'( ma 3alih alllla kareem

tweety يقول...

qiyadiya

والله ماأدري هالملاقيف شنو مستفيدين من أذية خلق الله !
بس هم أرد وأقول ما لازم يكون هذا سبب يخلي المدون يبتعد ومالمفروض يخلي احد يأثر على قراراته



charisma

بعد عمري أنتي
الله يوفقهم وين ما كانوا بس شنسوي ولهنا عليهم


kuw_son

هاللي ما عندهم سالفة ويضايقون غيرهم الله يسلط عليهم اللي يضايقهم يا رب


2 u all

اي والله الوقت يمر بسرعة وما ينصاد , مادري ليش أحس أول جنه الوقت كان أطول ! الحين بس وقت الدوام اللي ما يمر :(


mamloo7a q8ia

اهم ماشالله مكانهم امبين , والعفو ما سوينا شي


white wings

هلا بالقلب الابيض
lama ashof esmech at'thakar : i belive i can fly , i belive i can tuch the sky

آمين يا رب


alathar

ليش شنو !؟
ليش ما كنتي اتابعينهم والا ليش اختفوا والا شنو!!؟


mishari

شكلي بطبق عليك أنت الفيلم يوم من الايام
لا والللللللللللللله !!! العب غيرها تذكرت الاغنية عشن اسم المدون !!!!! واشمعنى هالاغنية بالذات !؟

انا تذكرتك لما شفت سيد قشطة أو سيد بيه قشطة احسن يكون معرفتكو والا حاجة :p

اي اسم الله عليك انت : مشمش و سيم
جذي اوكي
:p


جنون احساس

اذا ظروف لهم حق يغيبون بس مو يختفون خير شر وتختفي مدوناتهم مرة وحدة

أما إذا عشان اللي ينبشون فأتمنى فعلا توقف هالممارسات السخيفة وحركات اليهال اللي ما تحترم خصوصيات أحد


nachlah

عاد تصدقين آخر وحدة كنت أتوقع تنسحب نيلة ! عسا المانع خير
وانشالله الباجي اذا قرارهم متسرع وما عندهم ظروف تجبرهم عليه ان يراجعون روحهم


lawyer

انا توقعت فزي مشغول
بس نيلة والبندري شاللي طرى عليهم واختفوا !!!؟ ماعرفت السبب

استكانه دام مختفية عشان دراستها وبترد ما عليه الله يوفقها واحنا ناطرينها وانشالله بعد ما تبشرنا بتخرجها

بس كيتي شخبارها !؟؟


almas

معاج حق والله ماكو وقت كلش
بس قبل لما انمر البلوق حتى لو ماكو موضوع يديد عالاقل عارفين انهم موجودين مو مختفين وماسحين بلوقاتهم خير شر !


sologa bologa

آآآمين الله يسمع منك



kila ma6goog

أفا ليش !!!؟
إذا صاحب أفضل مدونة واللي دايما يشجع كل البلوقرز يقول جذي عيل الباجي شيقولون !!!!؟


cr8ivia

انشالله
الله يسمع منج

tweety يقول...

warda

me 2 wallah


سالفة قلب

هلا بالغالية هلا
بعد عمري والله بس لا تشكريني وايد أخاف أنغر :p


the tooth.fairy

لا سابق إنذار ولا حتى صفارةإنذار
:p
:***


العين الساهرة

ما أتذكر اسمه حده داثر

اي والله توحشناهم برشا
:)


nescafe

آمين
ومشكورة إنج راجعني نفسج وما خليتينا نكتب اسمج معاهم


dilli o milli

كيتي قالت بتظل معانا بالتعليق بس من زمان عنها ...
اتهقين انحط لها إهداء بروتانا
:p


authoress

ألف شكر لرقتك وذوقك


tasty as berry

يا هلاااااااا ومسهلااااا
الله يعافي هالبوست اللي خلاج اتبينين

حتىىىىىىىىىىىى أنا !!!
اتصدقين ذاك اليوم لما سويت مساج جان اتقول لي اللي تسوي لي : انتي ما يفيد فيج العادي يبيلج بو الصخر !
شفتي آخرة الشغل اللي فيه مراجعين


kazmawy

لوول
والله انا عن نفسي فقدتك من زمان بس أنت تغط فترة وترد شوي وليلحين وأنت تهدد بتختفي بعد !
اما البنات ففي منهم متزوجات أصلا يعني خبري اللي مو متزوجات ليلحين على حطتنا وشكلنا بنسوي حزب
:p


loco

والله إنك على البال , كل التفاصيل وأحلى التفاصيل بس أنا أدري فيك مو بالكويت ومشغول بالدراسة يعني لك عذر تغيب شوي بس الباجي خبري فيهم مستقرين وماشالله ما كنت ألحق على بوستاتهم هذا اللي خلاني أتفاجأ

كلش ولا تزعل تراك عزيز وغالي

نون النساء يقول...

تويتي..

النفسية تلعب دور كبير
+ مشاغل الدنيا


.
.

العودة للتدوين مفتوحة
بالنسبة لي..

تذكرة العودة لازالت معي

just waiting..the right time for me


:*

thanks وايد
على سؤالج

كنتد اشة بلوف لوير
ودشيت عندج
أسلم

KQ8 يقول...

اعتقد ظروفهم هي سبب الانقطاع وعموما قد يكون هذا الانقطاع فيه الخير الكثير لهم

مكانهم خالي هذه حقيقه ولكن ما باليد حيلة

الله يسهل لهم ويسمح دربهم وين ماكانو

Mother Courage يقول...

خليك متفائلة, قد يكون هذا الهدوء قبل العاصفة

سالفة قلب يقول...

تويتي:

كيتي بخير وعافيه

وولهانه عليكم واهي ترى موجوده بينا واتابع اخباركم

مانستكم ولاراح تنساكم

Sniper 55™ يقول...

hehe
3ajabny shloon rb6tay alfilm bl bloggers ;p

loco يقول...

mirci ;)

الا الدستور يقول...

نحو كويت افضل

نحو حوار ديمقراطي ليبرالي راقي حر

ندعوكم للمشاركه في الشبكه الجديده

شبكة الحوار الليبرالي

www.secularkuwait.net

albandry يقول...

اشكرلك سؤالك
واشكر كل من سأل عني وفقدني



الظروف صعبة خويتي
وحسيت انه الاختفاء فجأة افضل من الكلام المطول عن الوداع والكل يريد معرفة سببب هذا الوداع


الله يسامح اللي كان السبب
واحتمال انه ارجع ولكن بشخصية اخرى

ماقصرتو والبركة فيكم

tweety يقول...

نون النساء

هلا وغلا ..هلا بأحلى نون
والله لو مالج وحشة جان مالقيتينا نفقدج , ادري والله البلوق يبيله نفسية وخلق بس عالاقل ردي البلوق عشان نطمن ونضمن انج تردين


krakatoa

آمين يارب
الله يسمع منك


brava valentia

الله يستر ! أي عاصفة !!؟


سالفة قلب

بعد عمري ياسالفة مشكورة وصلتي السلام والسؤال
قولي حق كيتي خل تطل علينا ترى مكانها فاضي


sniper 55

e wallah ana bdait akhaf 3ala ro7y
:p


loco

mircoooo ;)


الا الدستور

شكرا على الدعوه


albandry

ياااااااااااااااا هلا
هلا بالطيب الغالي عزيز وشوفتك منوة

ولهت عليج وعلى مغامراتج الحلوة وخفة دمج ..حسبي الله على من كان السبب جان في احد ضايقج الله يسلط عليه من يضايقه
لا ضروري اتراجعين نفسج ترى ناطرين عودتج