الثلاثاء، ديسمبر 05، 2006

أفضل مدونة إجتماعية

إخواني أشكركم وأشكر ثقتكم الغالية التي أخجلت تواضعنا وأشكر الصوت الذهبي الذي جعلني أتبوأ المركز الاول كأفضل مدونة إجتماعية
تصويتكم لنا دعم ودعمكم ابتدأ منذ أن أثريتم مواضيعي بتعليقاتكم , وأثريتم حياتي بوجودكم كأصدقاء وأحبّاء وأهل فكل تعليق كان يمثل تشجيع من نوع خاص له بالغ الأثر في نفسي
الشكر العميق
  • لأخوي العزيز : لودي اللي عرفني على عالم البلوقرز ومساعداته في انشاء البلوق بعد أن كانت علاقتي بالانترنت تعاني أنيميا

  • لأول زميل رحب بي وشجعني رشيد الخطار

  • لكم جميعا دون ذكر أسماء من ساعدني ومن شجعني ومن شرفني برأيه فلولاكم لم يكن لمدونتي أي بريق
وبهذه المناسبة الجميلة أعدكم
أن أحاول دوما أن أكون عند حسن ظنكم بي
وحابني لكم مستشفى وجامع ... وأبقى قابلوني لو شفتو وشي بعدها , اهم كلهم بيقولو كده
:p
أحر التهاني القلبية تذهب للزملاء الذين شاركوني المراكز الاولى كأفضل مدونة إجتماعية
tasty as berry
kitty
Reema
وللزميلة : نون النساء الفائزة بأفضل مدونة أدبية
والزميل : كله مطقوق الفائز بأفضل مدونة سياسية
والزميل : جاي حليب الفائز بأفضل مدونة ساخرة
وعقبال البقية في الاستفتاءات القادمة ان شاء الله
رجاءا جمهورنا العزيز
الرجال ...تصفيق حاد
النساء يبّاب ( زغروطة لاجل النبي ) وشكرا
ولا مالت على تويتي ولا على بلوقها ولا على ربعها ولا على زوارها
والساااااااااااااااامع يقول آمين
قولولولولولولولولولولولولولش

هناك 35 تعليقًا:

tweety يقول...

عزيزتي وأختي الغالية : ليال
شكرا لك كأول تعليق وأول من يهنأني

أعتذر منك لوجود خطأ في البوست اضطر معه لمسح البوست ومن ثم إعادة نشره

وبالتالي أعتذر بكل أسف من مسح تعليقك الذي حتما لن يمسح من ذاكرتي وقلبي

وفي الوقت ذاته أتمنى أن أرى أسمك يزين صفحة التعليقات مرة ثانية

Mamloo7a Q8ia يقول...

كلللللوووووووش
ألف مبروك المركز الاول

sOulvOice يقول...

الف مبرررووووك توتو

واللهي افرحتلك وجد تستحقين هالمركز بجدارة


ومبروك لباقي البلووقرزز الفايزين

Cr8ivia يقول...

اممممممممممممين


ههه مبروك مبروك

تستاهلين يا تويتي

Warda يقول...

ققووولوووولووووووششششششش

مبروك المركز الاول تستاهلين

:*

Яeema يقول...

مبرووووووووووووووووووووك
مبرووووووووووووووووووووووووك

تستاهلين يالغاليه



بس تعالي؟؟؟؟
أنا شفت إني أسوأ؟؟؟؟

إشلون أسوأ و أحسن بنفس الوقت؟؟؟

هههههههههههههههه

50 good
26 bad

?????

ترا صار شي بالتصويت إن يطلع حق ربعي إيررور بعد ما كسرت رقم الخمسين

We're sorry, votes are not being accepted for this poll at this time! Your vote was not included in these results.

فا ما أدري مؤامرة من إسرائيل؟؟
ههههههههه






---------
you know what is the best in all this!!!!

that i know you my blogers friends, and i really cant tell you how i am happy to see what your writing every day ......


God bless you all

سالفة قلب يقول...

مبروووووووك

فرحت لج والله

وين زينة بيتكم؟؟

وين النون؟؟؟

عاد انا يارتج

مو تنسيني

كلوووووووولووووووووش

mishari يقول...

اول شى الف مبروك :) وتستاهلين يا توتو
ومنها للاعلى
نوديج اسياد اسيا للتدوين :D

للامانة الادبية الناس اللى صوت لهم انا
بلا نيلة
كلا مطقوق
نون النساء
بعدين رحت غطيت يومين ورجعت والا عندى 36 صوت
الضحك تدرين شنو؟؟
ان واصلنى مسج على تليفونى حاطيلى عنوان المدونة اللى فيها التصويت ويقولولى صوت حق شخص معين :))
بس نعمة 50 صوت فيهم حملة انتخابات

sologa-bologa يقول...

نبارك لكم اعتلاءكم هرم المدونين

لكن بصراحة
أنا ما شاركت بالتصويت

لأن المدونين كلهم مميزين
وأقرا لمعظمهم
علشان جذي ما أحب أفرق بينهم على شكل تصويت

لكن بالتأكيد في مدونين مميزين جدا عندي
وهم اللي أزورهم بشكل يومي

ومبروك مرة أخرى

Charisma يقول...

حبيبتى انتى
تستااهليييييييييييييين
يا احلى تويتى
:)))

EsTeKaNa يقول...

لا يبيلج ردحه
يالله عاد وسعو الملعب
:PpPP~
الف مبروك
تبين الصج؟
تستااااااااااهلين من غير منافس
وبصفتي صاحبه اسوأ بلوق ابارك لج واتمنى لج حياه بلوقيه سعيده
:pPP~

Kasik Ya Watan يقول...

مبروك و تستاهلين ... الله يطول بعمرك وتسعديننا بمواضيعك الممتعة الرائعة دائماً

هم آنا ودي أيبب ... ليش بس الحريم

كلولوووووووووووووووش ... عسى يببت صح

... وكاسك

Nescafé يقول...

مبروك كلكم كلكم

وانا اقوول اسمع يباب قعدت اسير عليهم بلوق بلوق ادور الحفله وين اثاااريها عندج يااتويتي
;P

أُكتب بالرصاص يقول...

مبررروك

بس التصويت ده حصل امتى وفين


وهل هو معتمد من الفيفا ؟

على كل حال


مبرووك
اللهم حسد
:)

tasty_as_berry يقول...

والسامع يقول آمين .؟

آميــــــــــن .. كلللووووليييش ..

مبروك لج وللجميع ..

كنتي من الناس اللي متوقعه فوزهم ...

لأنج متميزه بنظري :)

أسلوب مشوق ومبدع واجتماعيه درجه اولى ومتواضعه جدا جدا وعفويه ...

تستاهلين كل خير ..:****

وعليكم بالعافيه كلكم ...

tweety يقول...

mamloo7a q8ia

الله يبارك فيج ويبجيج
عقبال ما انيبب ببلوقج فولي آمين


soulvoice

حبيبتي سوسو
الله يبارك فيج
انا أحسن لو أي أحد بمكاني هم كان راح يكون فوزه بجداره , وانتي من الناس اللي كنت متوقعة فوزهم ولا زلت لأني أحس في تشابه بالروح بيني وبينج


cr8ivia

الله يبارك فيج
مشكورة
وين اليباب ؟؟
:p


warda

حبيتي مشكورة
ده من ذوقك بس والله


reema

الله يبارك بعمرج حبيبتي
انا بالنسبة لي الاسوأ اهم اللي كلش ما اتحمل اقرالهم شي سو ما أمر عليهم يعني اهم ما غصبوني اقرالهم
بس انتي اعتقد ان يمكن الاصوات اللي حصلت عليها كأسوأ يمكن في ناس مو فاهمة أفكارج أو ما تتفق معاها بس ما أظن قصدهم أسوأ آز باد

لووول
اي انا مسوية مؤامرة ووزعت جناط ديور عشان يصوتون لي :p

ليش ما دزيتلهم ايميل وقلتيلهم شنو سبب الخلل اللي صار ؟؟

جملتج الاخيرة وايد مؤثرة
وأنا أوافقج الشعور


سالفة قلب

الله يبارك فيج
مشكورة وايد حبيبتي
تعالي : انتي صج يارتي يارتي والا بس بنفس المنطقة ؟؟

في كلا الحالتين لا تحاتين ماراح نبلش بالحفلة ولا ندخل القصار الا بوصولج
افا عليج انتي راس المال بس رجاءا اتيين بدون شباصة حمرا
لوووول


mishari

الله يبارك بعمرك يا ميشو ياخويا
لووول
اسياد آسيا للتلوين قصدك

هو هو هو !!! من وين ياك المسج ؟ واشمعنى انت ؟ ليش ما دزوا لنا ؟ واشعرفهم برقمك ؟؟ بعدين من قالولك صوت حقه ؟ خوش حملة!!
شكلك بتطلع قاص علي وانا على ويهي مصدقة
لا ومو مصوت لي بعد !! لنا الله يا خالي من الشوق
بس ماراح أعزم ريما مكتبي على الحفلة
:p


sologa bologa

يا سلوقا هرم ايه بس ! ليه الكلام الكبير ده ؟ والله احنا مش قده
مادري شيايني على الحجي الكصري هالايام !!!!
شوف بالتصويت انت حر اتصوت ما اتصوت كل واحد واختياراته ورايه
بس بالنسبة للمميزين عندك لأ عاد لازم انا منهم والا ترى ها مموش ماكو !

الله يبارك فيك عزيزي


kitty

أهليييييييييييييين يا كتكوتة
اش هاللوك والحركات !! يه يه شي
مشكورة يالغالية وانتي بعد تستاهلين
انشالله دايما في الطليعة


estekana

وسعوا الملعب زين العذارى ( استكانة ) في وصول

الله يبارك فيج يالغالية
لا والله المنافسين وايد وكل واحد منهم تبارك الرحمن أحين من الثاني وكلهم يستاهلون وانتى منهم أكيد

نفس اللي قلته حق ريما مو شرط اللي صوتوا لج يعني انتي اسوأ بنظرهم يمكن ما اتفقوا معاج بموضوع او راي او حتى ما فهموا نظرتج للأمور
لأن انا عن نفسي وايد احب امر على بلوقج واقرا مواضيعج

ياختي اسوأ والا احسن اهو كلنا بالهوى يومين والناس تنسى

تمنياتي لج بفرح دائم


kasik ya watan

أخوي العزيز وصديقي المميز
الله يبارك فيك , والله أسعدتوني
أول مرة أحد يحتفي فيني جذي

ترى يقال والعهدة على الراوي ان يباب الرياييل احلى فمشكور انك شاركتنا
سلم على لولو


nescafe

لووول
اي مسوين فعاليات مهرجان البلوقرز
ومسوين سحب على اليباب :p
الله يبارك فيج وعقبال عندج يا رب


أكتب بالرصاص

الله يبارك فيك
لووول
أنا حاطة الموقع اللي قام بعملية الاستفتاء

معتمد من الفيفا ؟ !!! والله مادري مين فيفا دي ؟؟ احنا عندنا حاجة بالمقرر اسمها فيفا !!؟
يعني اشمعنى جت لحد عندي وحبكت لازم فيفا ؟؟ ماكلهم مش معتمدين خلينا ساكتين بس
:p


tasty as berry

انتي أنا اقولج مبروك
مو الله يبارك فيج لأن الفرق صوت واحد فقط يعني ماكو فرق
وأصلا أنا كنت متهيأة انج بتفوزين ومتوقعة بعد بس صدفت معاي
وبلاش الكلام الكبير ده ترى بتخليني ابجي

انا ما فرحني الفوز كثر ما فرحني ان يساوي التصويت بيني وبين بلوقر متميزة مثلج

Q8iya يقول...

congratulations!
عقبال نوبل :)
عسي في جوائز للفائزين .... علي الاقل كمبيوتر

kila ma6goog يقول...

تستاهلين يا تويتي
و منها للأعلى

مبروكين:)

نون النساء يقول...

وييييييه

بالمبارك بالمبارك

وانتي تستحقين هاللقب بصراحه يا تويتي

مع اني للحيني يديدة بمدونتج

بس دايما لما ادش مدونات يديده

أقعد أنبش فيها

من يديها لقديمها


:)


ومبروك بعد لجميع الإحوان اللي فازوا بالتصويتات

يستاهلون



تدرين أنس صوت حق الأخ بالديسار

وصوت لج وللأخت ريما

تستاهلون

نون النساء يقول...

واااااااااااي البدليات
البدليات مرض مرض لا يفارقني أبدا

نقط
وحروف ناقصة وزايدة

:""(

the tooth.fairy يقول...

testahlaaaaaaain :*:*:*

Q8ya يقول...

مبروك....للأعلى دايما...^___*

AuThoress يقول...

مبارك اختيارك ، افرحني الخبر فعلا

ودّ لكِ

arwa يقول...

لوللليييييييييش

على البركه يابطه

loco يقول...

mabroook :) lel 23al enshlla

moodless يقول...

مبروك وتستاهلين
ومنها للاعلى انشالله
بالتوفيق..

Krakatoa يقول...

tweety

الف مبروك..وتستاهلين..منها الى الاعلى..عقبال مانشوف مقالتج بالصحف..والمجلات
تشكين حالنا..وتصيرين واسطتنا لوول

Kuw_Son يقول...

مبروك و منها للأعلى .. و ياليت كنت من المتابعين .. ما حصلي الشرف إلا توه ..

و بالتوفيج

sologa-bologa يقول...

أكيد
من المدونات
المميزة جدا

:)

ياللا وين المموش

tweety يقول...

q8iya

thanx dear
اي والله يا ريت في جوائز , ومنا للقائمين على التصويت
اتخيل بيردون علينا يقولون مصختوها عاد , ما سوى علينا سوينالكم استفتاء لووول


kila ma6goog

الله يسلمك ..منكم نتعلم يا باشا
انت صرت الكبير بتاع القعدة :)
الف مبروك


نون النساء

هلا والله
الله يبارك فيج , مشكورة من ذوقج
عاد عسا لقيتي شي يعجبج لما نبشتي ؟
انا نفسج لازم اتعبث

انتي بعد تستاهلين وناطرين ابداعاتج

لا البدليات لا تحاتين عندنا وعندج خير بيت الخير ما يخلى
:p


the tooth fairy

هو ! غيرتي الاسم !!!!؟ من متى !!؟
يا عمري والله وينج ولهانة عليج
مشكورة حبيبتي
يالله متى تردين وتنورين الديرة ؟


q8ya

مشكورة ...الله يبارك فيج
وعقبالج يا رب


authoress

شكرا يالغالية على ذوقك ولطفك
الله يبارك فيك
تمنياتي لك بفرح وإبداع دائم


arwa


ربنا يبارك فيكي ياختي
بس انا كتكوتة مش بطة
:p


loco

thanx dear
ybark feek ya rab
yah yah esh ha9oorah !!


moodless

الله يبارك فيك
شكرا لمرورك الاول واهتمامك
نورت البلوق وانشالله انشوفك دايما


krakatowa

يا هيا يا هيا :p
الله يبارك بعمرك
اي انشالله ولا يهمكم من دواعي سروري أصير مراسلتكم
بس خل ادور لي واسطة اوصل والقى لي مجلة وبعدها انشالله تجدوا ما يسركم

الساعة المباركة يوم مازرتنا عاد لا تقاطع


kuw_son

الله يبارك فيك ...ألف شكر
والله أنا اللي تشرفت بمعرفتك , وانشالله ما تكون آخر مرة تنورنا فيها
حياك الله


sologa bologa

لووول
أي أشوه
يالله انت بس تامر قول متى ودك وانا اييب لك اياه برسم الخدمة معاه بستوق أجار هدية بعد اشرايك ؟
حاتدعيلي والله
:)

sarah يقول...

والله تستاهلين ياقمر
الف مبروك
:)

tweety يقول...

sarah

مشكورة حبيبتي من ذوقج
:)

kuwait يقول...

مبرووك ليال جايز متأخره

لكني جديده في عالم التدوين

وكنت اتابع المدونات المميزه

فكان هذا المرور وكان لزام علي

على التهنئه مبرووووك

غير معرف يقول...

comment11, [url=http://h2o.law.harvard.edu/user/profile.do?userID=14012]valium 10mg[/url], ;), http://h2o.law.harvard.edu/user/profile.do?userID=14012 valium 10mg, %[[, [url=http://www.ziggs.com/apps/profile/Interests.aspx?uid=139855]order zolpidem no prescription[/url], rdu, http://www.ziggs.com/apps/profile/Interests.aspx?uid=139855 buy zolpidem, %[[, [url=http://www.ziggs.com/apps/profile/Interests.aspx?uid=139998]order vicodin online[/url], %-(, http://www.ziggs.com/apps/profile/Interests.aspx?uid=139998 order vicodin, %[[, [url=http://h2o.law.harvard.edu/user/profile.do?userID=14011]buy cheap alprazolam[/url], %-(, http://h2o.law.harvard.edu/user/profile.do?userID=14011 buy cheap alprazolam, %[[, [url=http://www.chop.edu/forum/user/profile/12410.page]buy zolpidem no prescription[/url], :-), http://www.chop.edu/forum/user/profile/12410.page order zolpidem without prescription, %[[

غير معرف يقول...

أنا أتساءل الآن ما اذا كنا نستطيع الحديث عن الإحصاءات المواقع -- حجم البحث ، الخ ، وأنا أحاول أن المواقع التي يمكن من خلال شراء adspace -- واسمحوا لي ان اعرف ما اذا كنا نستطيع الحديث عن التسعير وغيرها. هتاف لم أنت تقوم بعمل عظيم على الرغم من.