الاثنين، أكتوبر ٢٩، ٢٠٠٧

إكتئاب





غيوم ضبابية كثيفة من الإكتئاب تحوم حولي ...
مارد من الإحباط يقيدني , يخضعني له رغما عني
إرادتي عاجزة عن إنتشالي من الغرق في بحر التشاؤم
الحلم سراب بعيد
الأمل وميضه يخبو
كل ما حولي اتشح بالسواد والأيام لونها رمادي
لا شهية لي ل...أي شيء ...كل شيء
عجلة الزمن تدور وتدور بسرعة ولكنها تتوقف عندي
أشفق على قلبي الحساس كثرة آهاته
أشفق على نفسي تجرعها سموم الهم وهي صامتة
لا رغبة لي بالكتابة ولا الحديث ولا أي شيء
حقيقة لاشيء حولي يشجع على شيء ...


عذرا كتبت ما فاض من كأسي المملوء كي أفرغ ولو جزءا يسيرا منه ولكني فعلا لا أتمنى لكم قراءة هذا البوست ...وأعتذر بشدة إن تعرض أحدكم لا سمح الله للعدوى من هذا الإكتئاب

هناك ١٥ تعليقًا:

moodless يقول...

سلامات
ليش الاكتئاب وكل الاخبار من حولنا اخبار سعيدة، مجلس و وزراء وزحمة وحر واسعار وكهرباء و ازمة وغيره
واكاد اجزم ان حياتنا الشخصية تعكس هذه الاخبار السعيدة ولو بشكل غير مباشر

ابتسمي، واسمعي فرقة ميامي، يمدحونهم في طرد الاكتئاب (في بعض الاحيان) .. دمتي بدون اكتئاب

بو حامد يقول...

ضاقت فلما استحكمت حلقاتها فرجت وكنت أظنها لا تفرج

بعد الضيق فرج ، ولا تشوفين نفسج شوفي من حاله اصعب منج وحمدي ربج

layal يقول...

عليك بهذا الدعاء
استغفرك لا اله الا انت سبحانك اني كنت
من الظالمين
صج يمكن التدوين بعيد حبتين عن الحياة العاديه اللي يكون فيها الصديق قريب يسمع فرح او شكوى صديقه
لكن
وما فائدة التدوين ان كان من حولنا من مدونيين يقرأون افراحنا ولا يشاركوننا احزاننا
يا ما ضحكتينا يا تويتي بكلامج الحلو
يعني وقت اللي تكونيين مضايقه تعتذرين ؟؟
افاا بس عليج
هونيها وتهون

بس ابتسمي لو ثانيه وحده الحين
:-)

Mohammad Al-Yousifi يقول...

ما تشوفين شر

و لو؟

كلها كم يوم السيستم داون و تعودين مشرقة انشاءالله

Unknown يقول...

افا ليش؟ بس؟

المهم انا ادري واعرفج

فترة ما تتعدى 48 ساعة الا ربع وتصيرين انشاء الله اوكى
:)

violinist_q8 يقول...

كلش مو خوش خبر :)

الله يسهل عليكم باقرب وقت ان شاءالله

(F)

Kuw_Son يقول...

ضاقت فلما استحكمت حلقاتها فرجت
و كنت أظنها لا تفرجُ

نون النساء يقول...

أزمة وتعدي
الُمهم عدم الخضوع لها

sologa-bologa يقول...

ما بعد الضيق إلا الفرج

أهم شي الصحة تكون الصحة زينة
وكل شي عقبها بالدنيا يهووون


فضفضي وقولي اللي بقلبج
أول طريق للانفراج

بس عسى ما شر
؟؟
عين ما صلت على النبي

ودمتم بحب وود خال من الرصاص
أقصد من الاكتئاب

violinist_q8 يقول...

لقيت لكم حل الاكتئاب

http://www.youtube.com/watch?v=K_zEiNPNo5A

اتمنى ينفع لول

DiLLi O MiLLi يقول...

لاه لاه لاه !!! مووو أنتي يا توووويتي !! أكتئاب !!!؟؟

أفاااا علييييج !!! أنتي اللي كل ما دخلتي بلوق زرعتي الأبتسامه فية بتعليقاتك وخفة طينتج !!!ء

وبعديين وووين رحنا أحنا !!؟؟ فضفضي وخلينا نشاركج .. راح ترتاحين

ياللـــه .. رااااوينا ضحكتج .. ما بعد الضيق ألا الفرج أنشاء اللــه

فترة وتعدي .. كلنا نمر بظروف أتكدرنا .. بس ما نخليها أتملكنا .. نحاربها لما تزول


يالله ضحكي .. ضحكتي ؟

:)

tweety يقول...

حبايبي كلكم

والله أن كلماتكم وايد خففت عني وونستني وحسستني بأني مهمة وحبيت روحي :p
مشكوررررررررررررررررريييين وايد على شعوركم الطيب والحمدالله إنزاحت الغمة وغدا الشر

violinist_q8

مشكور عالاهداء ضحكتني والله وشيشتني أطلع سوالف قديمة ونستني ورجعتني للزمان اللي مضى مثل مسرحية ألف باء وتاء وغيرها

White Wings يقول...

سلامتك يا عصفورة، منو مزعلك؟؟
علميني عنه وأنا أوديه ورا الشمس، تراني واصلة
:)
مافي شي يسوى...أبداً، ولا شي يسوى عزيزتي

ReLaaaX يقول...

تووووووووووتوووووووووووووو


شفيييييييييييييج ؟
من اللي مزعلج انتي بس قوليلنا عنه ونوريه شغل الله !!!؟



توتو زعلانه واحنا وين رحنا بالله ؟


--


ياااااااااااحبيبتي هونيها واهي تهون

--

باب الحارة من كثر ماشفت الجزء الاول منه .. يقول محي الدين او معتز حق خاطر ولد ابو خاطر;p

صغرها بتصغر كبرها بتكبر





والله العظيم مع ان الجمله او ماسمعتها ضحكت


بس لما فكرت فيها قلت ايه والله !!!؟


احنا بيدنا نغير المود اللي يحوشنا

قطي كل شي ورا ظهرج وعيشي يومج
وطاااااااااااف ياتوتو طاف


انتي اقوى من اللي يصير لج

AuThoress يقول...

سلامات يا الغالي سلامات ... تدرين؟
لازم هالحالة لإعادة توازن الروح.. انصحك بتغيير روتين حياتك، وقليل من الجنون العظيم




والله تصيرين زي الفل

كفي على قلبك