الجمعة، مارس ٠٢، ٢٠٠٧

Relaaax tag

الزميلة العزيزة ريلاكس حبت أن تورطني بما يسمى بالتاق وإن كنت لا أعرف ماهو التاق من ذي قبل إلا أنها وضحت لي بأن المطلوب مني ذكر 5 أمور عني قابلة للنشر أو بالاحرى فضائح! ...أنا بالعادة لا أحبذ الحديث عن نفسي للعامة , فلست من الشخصيات المنفتحة على الآخرين ومتحفظة جدا لخصوصياتي وتفاصيل حياتي التي لا يعرف عنها سوى المقربون بس الحلوة ريلاكس أصرت تصر إلحاحا على أن تخترق حصني المنيع وتحصل منه على بعض الاعترافات ...ولأنها عزيزة علي ولأن هذي شروط التاق يعل ماكو تاق ماراح أردها ...عاد ما وصيكم الستر زين , صحيح أني ماراح أذكر أسراري أو الفضائح اللي تودي بستين داهيه بس تظل خصوصياتي اللي أداريها واللي لو راده على جان ما قلتها بس حكم القوي .

تراها إعترافاتي خمس

1
عيله تايهه يا اولاد الحلال

نعم ...كثيرة هي الاماكن التي لا أدلها ولا أستطيع الذهاب لها دون وصف دقيق حتى الأماكن المعروفة جدا ,لا أحفظ أسماء الشوارع ولا الطرقات حتى تلك التي أمر منها كل يوم لذلك ألجأ للسائق كثيرا( خاصة أنني لا أحب البحث عن موقف للسيارة ) قد يكون الامر عاديا ولكني أحسه مخجلا ولا أبوح بذلك الا أمام المقربين مني و أتمنى فعلا معرفة أسباب ضياع بوصلتي وعدم قدرتي على التركيز على الطرق وحفظ العناوين


2
التشخيص أول مراحل العلاج

نعم ... أنا فوضوية وأحاول التظاهر بغير ذلك , كسولة أحب الاستمتاع بكسلي رغم أنني لو أنبذ الكسل وأنفذ ما يجول بي من أفكار لحققت الكثير , جبانة وكثيرة هي الامور التي أخافها على سبيل المثال وليس الحصر : الخوف من الظلمة والمصعد


3
بسنا تفشل يا سعد

نعم ...لم أقترب يوما من موقد ولا غسالة رغم أني لست مدللة أبدا ولكني فعلا لم يسبق لي أن طبخت أو إستخدمت الغسالة ولا أعرف حتى الآن كيف تستخدم . كما لازلت لا أعرف كيف أضيف مدوناتكم في مدونتي


4
فرصة وإصرار

نعم ...أنتظر الفرصة التي تحقق لي رغبتي بالعمل في إحدى المجلات كمحررة أو كاتبة مقال كما أطمح لليوم الذي أعمل به في الإعلام رغم المعارضات التي تدار حول هذا الموضوع

5
exclusive
نعم ...أتمنى الزواج عن حب حيث لا يمكنني تصور العيش مع شخص لا أعرفه ومشاركته
حياتي... مجرد التفكيربذلك الامر يرعبني ولكن لم يسبق إن اعترفت به


أما من سيحمل الراية بعدي في هذا التاق هم

مملوحة كويتية
tasty as berry
soul voice
سلوقا بولوقا
عاجل
وخمسة وخميسة بعين اللي ما يصلي عالنبي

هناك ٢٥ تعليقًا:

Mamloo7a Q8ia يقول...

حرام عليج توني مخلصة من واحد
لييييييش؟؟؟؟
بس امري لله ما اقدر ارد لج طلب
تويتي تآمر واحنا نطامر
ههههههه
:)))

Mamloo7a Q8ia يقول...

طلعت فضايحنا من هالتاغ يعل ماكو تاغ
هههه
ذكرتيني بصديقتي ما تدل تروح اي مكان الا من طريج البحر


اشوا طلعنا ربع في الخوف من الظلمة

حلوة الموقد
هههه
وكيف لا تستطيعين تشغيل الغسالة؟؟
هل كيف يا تويتي ؟؟

أي مجلة يا تويتي؟؟
وفي أي مجال ودج تدخلين الاعلام؟؟
ما علمتينا

أؤيدك 100% على فكرة الزواج
والله يحقق لكي كل ما تتمنين يا رب

DiLLi O MiLLi يقول...

هههههههه ... علامكم تشربكتوا بالتاغات !!؟
:)
أووووه ... عااااد الله ياني بخوور السوق

ههههه ... يا كاتب يا كبير ما عبر على "الموقد"وايد أمكشخه الجووله أو على قولة أخوانا المصريين "الشوله"هههه
أنا عمري ما شفت شكل الغساله .. أعرف شكلها من الأفلام بس !!!ء
:)
تنتظرين الفرصه !!! لييش الأنتظار !!؟؟... أنتي اللي لازم تسعين لها ... والأنسان فرصته بيده وهو الوحيد اللي يقدر يحقق أمنياته ... وأنا يا حبيبتي تويتي أشوف فيج مشروع صحافيه وأعلاميه ناجح جداً حداً



برووح ألحين أفتر على البلوغريه .. وأعطيهم معلومات حصريه حصلت عليها من بعض الناس هههههه


تحياتي
بخور القريشي
:)

Purplecious يقول...

الدور الدور الدور الدور موعوده ياللي عليكي الدور
والله
اذا كل واحد ياله تاغ و قطه على 4 غيره لااااااااااا بالله ما خلصنا و
راح ندور في حلقه مفرغه

1. الله يعافي النافجيتر الحين محد يضيع

2. فوضويه, كسوله, جبانه
هذه ثلاث أشياء لو ذاكره كل واحده بنقطه جان وفرتي عليج جم فضيحه
هههههههه

3.ما يصير يا حبيبتي مو مدللة مو جايسه غساله
عيل لما سافرت خدامتكم شسويتي غسلتي الهدوم بالطشت؟؟؟؟؟
;p

4. هذه مو فضيحه بالعكس هذه مفخره
وايد بنات دشوا هالمجال و أثبتوا نفسهم و انتي موهبتج مشاءالله ما تقل عنهم
الله يوفقج يا رب

5. الحب مو عيب و الله يرزقج و يوفقج مع الانسان اللي يستاهلج
:)

Kuw_Son يقول...

1
مثل ما قالت بربلشيوس .. الله يخلي النافيجيتور

2

الله يعينج على الخوف من الظلمة ,, أنا ما أنام إلا الدار خرمس و الممر اللي عند داري هم خرمس .. إذا في نور شوية من تحت الباب أتضايق !!

و الأصنصير .. وناسة بالعكس .. اذكر مرة طاح فيني واحد في مكة !!
بس الله ستر ههههههه

3

كلش مو مدللة !! لو أهلج ما دللوج .. انتي مدللة روحج !!

4
بالتوفيق

5

الله يرزقج واحد يصبر على بلاويج الخمس
P:

Almas يقول...

رقم 3

إذا انتي منتي عارفة شلون تضيفين المدونات... آنا الصورة إلي كل ما أحاول أحطها ما تضبط ... وهم آنا معاج مو عارفة شلون أضيف الأصدقاء الأعزاء لمدونتي

يعني حشر مع الناس عيد

يعطيج العافية

sologa-bologa يقول...

أول شي بقوله
شكرا على اختياري ضمن التاقيين المتوقيين
أو المتوهقين

وثاني شي
وهو الأهم

يعني شنو تاق
؟؟؟؟؟؟

كأن السالفة فيها توهق وفضايح
:p

حددوا لي
شنو المطلوبين مني بالضبط
؟؟

وشكرا

العين الساهرة يقول...

إشدعوه تويتى ما حطى إسمى بالتاغ ، الظاهر نسيتينى لأنى من زمان ما مريتج

أنا من دخلت الثانوية تعلمت الطبخ بروحى محد شجعنى، كنت أرجع يوم الخميس من المدرسة 11:30 وأطبخ مشخول أو مموش أو معدس وكان أبوه الله يرحمه دايماً يذوق طباخى ويقارنه بالطباخ، بعدين تطورت وصار مجابيس ومطابيق ولقيمات برمضان

وأتمنى يا ربى تحقق أمنياتج بالكتابة والزواج تستاهلين كل خير

tweety يقول...

لووووووووووول
ده انا تهزأت يا جدعان ! والخير بقبال بعد ما وصل مشاري

رجاءا من جميع المعلقين التزام الستر ترى العياب عند الباب ويوزوا عني لا تضحكوني وايد على جراحي
:p


mamloo7a q8ia

السموحة والله ماكنت أدري

هذي صديقتج جنها أنا أيام الجامعة !

لوووول يوزي عني يا بنية هل أوكي بس هل كيف مو مالت تجار يا سعد :p
حاليا الكتابة وبعدها لكل حادث حديث , بس مافي في بالي مجلة معينة انا قاعدة ادور
مشكووووورة وأجمعين انشالله


dilli o milli

لوووووووووووووول
والله كنت بكتب جولة بس شفتها ما تنكتب خفت تنقري غلط قلت أخليها مكسيكي أحسن :p

بعد عمري على التشجيع رفعتي معنوياتي

لووول احنا قلنا هالله هالله بالستر يا بخور السوق ترى هم انا عندي معلومات خطيرة ومؤكدة لا تخليني انشرها اي ترى شفت إهدائج حق مملوحة على قناة روتانا موسيقى وقت عرض حفلة الرويشد

ايييييي ترى احنا مفتحين بالفيمتو
:p


purplecious

اي والله ماراح انخلص شنسوي

شفتييييييييييي! يعني بختصر مالت علي مادريت أنا اللي باكلها

لوول أمي مسكينة اهتمت بموضوع الغسالةوالباجي بالمصبغة والطشت قاللي قومي استحمي

بعد عمري بس وايد ناس تعارض هالموضوع لأن مخهم شوي واقف عن العمل لدرجة ما أحب أفتح الموضوع جدام رفيجاتي ...مشكورة على الدعوة والله يحقق لج كل اللي في بالج


kuw son

عسى ما أتزوج أحد نفسك ! أعيش برعب جذي

لااااااااااااا أنت ناوي اتصرقعني اليوم واللي يقولك عقب كلامك ماراح أوطوط أي اصنصير , زين جذي !؟

لا تفهمني غلط لوول ياريت والله أهلي مدلليني بس يجوز أنا مدللة روحي اهم أنا استاهل بيني وبينك
بعدين المفروض اللي ياخذني يعجب بصراحتي :p


almas

لا يغرج ترى أنا زين أعرف أحط صورة يبيلنا دورة انشوف احد ياخذ فينا أجر ويعلمنا
الله يعافيج


sologa bologa

والله يا سلوقا أنا ما أعرف نفسك بس يقال والعهدة على الراوي إن التاق مثل الواجب المطلوب منك اتحله بدون اعتراض ويؤسفني يا زميلي في المهنة والكفاح أن هذا التاق المطلوب ذكر 5 فضائح عنك بس قابلة للنشر ..يعني اعترافات عليها القيمة شوي جباتي ما ينفع :p
والله يعينك مأجور انشالله

اذا ما عندك مانع اتحط اسم العين الساهرة ضمن حاملي الراية بعدك ولا عليك أمر


العين الساهرة

لا حشا وماعاش اللي ينساج بس صراحة استحيت منج وخفت ما تتقبلين , الله يعلم قدرج كبير عندي

شوفي انا ودي اتعلم اطبخ بس ناطرة الوقت المناسب
بعد عمري الله يوفقج بكل امورج انشالله

DiLLi O MiLLi يقول...

ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
هههههههههههههههههه
يمه ياااا خاصرتي ... حسبي الله على بليسج !! عااااد تدرين هذي أول مره أسوي أهداء بالتلفزيوون !!ء
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
ههههههههههههههههه
هههههههههههههههههه
هههههههههههههههههه
واي يمه .. خاصرتي اليمين هالمره ... أحنا مفتحين بالفيمتو !!! الكويتين صاروا مثل المصريين ... عليهم أفشات !!!ْء

أنزين أشرايج أحنا مفتحين بالتباسكوو !!ء
:)

bo9ali7 يقول...

رقم ثلاثة
Lo0o0o0o0o0oL

mishari يقول...

انزين انا اتفق معاج بشى واحد بسسسسس اللى اهو الفوضوية والتظاهر بالترتيب

وعن الزواج عن حب انا ابصم بالعشرة معاج لان يمكن اهوا اللى يخلى الواحد يتغاضى عن المشاكل المستقبلية لو حصلت غير ان يخلى الشخص مركز

ماشى يا توتو

mishari يقول...

نسيت اقولج
انا وصلت وصلت وصلت
وهالمرة لانى رايق ما ابى اتشمت فيج على هالبلاوى اللى قريتها
اشوى انى لى بغيت اروح مكان الخرايط مرسومة بمخى مع الدواعيس
أجر لج حنطوووووووووووور

والله يا بنت لج فرية :))

mishari يقول...

نسيت اقولج
انا وصلت وصلت وصلت
وهالمرة لانى رايق ما ابى اتشمت فيج على هالبلاوى اللى قريتها
اشوى انى لى بغيت اروح مكان الخرايط مرسومة بمخى مع الدواعيس
أجر لج حنطوووووووووووور

والله يا بنت لج فرية :))
مع تحيات مشارى بعد التان ":p :p

cosimfree911 يقول...

wow walaaah e6la3t sowalf wayed 3anch awal maraa asma3haa

bs walaa nice list i liked it ;)

ReLaaaX يقول...

1

الحمدلله في ناس من نفس فصيلتي .. أحمدك يااارب
ونااااسه الله يكثر حزبنا ;) الف حمدو وشكر ليك يارب



2

شوفي دامج شغلج ماشي وحياتج ماشيه استمتعي بكسلج ;p
بس لاتكثرين منه مو زين باجر حتى مخج يكسل

اما الخوف ..صح والله هذي فضايح لم افصح عنها ^_^



3

احم احم لا تعليق :))
بس عادي ترى فيه نفسج وايد
يعني الواحد يمكن يجهل شغلات وشغلات وايده يكون فالح فيها --> انفع ارفع معنويات



4

تويتي جربتي تشتركين بناشري ؟ حتى دكاتره يشاركون فيه ويحطون مقالاتهم
جربي .. والدنيا فرصه ياوخيتي ! اممم ترى فيه مجالات تبي عقول شابه وجربي حظج والله يوفقج



5

قولي امين --> دعيت لج دعوه حلوه بس حقج ;)

charisma يقول...

شهالتاق الى هابيين فيييه
لوووووووووول
واااى الفال لى ما ادرى شكتب عنى انا مثلج ما احب اتكلم بخصوصياتى وحياتى الشخصيه
هههههههههههه

انا جنه يبون منى 10 معلومات عنى

حالى حال هالفيره مملوحه كويتيه الى مت مت ضحك لما عطيتيها تاق
لوووووووووووووووول

يا عينى عينج يا مملوحه
هههههه


تويتى غسلى بيدج
مو لازم غساله
هههههههه



دلى وميلى
هههههههههههههههه
سلامت خاصرتج

اهداء على قناة روتانا

هههههههههههه
يا سلالالام سلم
:))))

the tooth.fairy يقول...

بسنا تفشل يا سعد

نعم ...لم أقترب يوما من موقد ولا غسالة رغم أني لست مدللة أبدا ولكني فعلا لم يسبق لي أن طبخت أو إستخدمت الغسالة ولا أعرف حتى الآن كيف تستخدم


haw haw tweety !! Haza ma khoush :P Eshloun chithiiiii??

----------------------------
number 4

gltlch ra7 etbad3een ;)

----------------------------

number 5

Kafu ! Hatha elli nabi nesma3a :P bala zawaj ahal bala ba6eekh !!


salam ;*

2 u ALL يقول...

تايهه .. وفوضويه ..وكسوله ..!! وتبين تصيرين محرره صحفيه .. وبعد تحبين الذي سوف تتزوجين ..!! مايصير هذا الكلام .. فطريقك مسدوداً مسدوداً مسدوداُ .. يا أختي ..!!؟

أنتفضي ..!! حلوه هذه "أنتفضي" ..!!وحددي مسارك وأتجاهك ..!! وتحركي بسرعه بأتجاه تحقيق ما تريدين ..!! ورتبي أوراقك وخطواتك ..!! وأرفعي عن نفسك الكسل وجدي وأجتهدي ..!! وأبحثي عن من تحبين من ضمن مجموعة الصداقات العامه ..!! سواء من محيطك العائلي أو الدراسي أو العملي أو أي محيط أخر..!! حتى تخققي وتصلي الى ما تريدين ..!! فقديماً قال الشاعر :....!!؟

وما نيل المطالب بالتمني
ولكن تأخذ الدنيا غلابا

What Will Be , Will Be .. يقول...

والله وخلتج تعترفين .. والله تبين الصج انا ما اتحرك بالسياره الا وانا مضبطه النفيجيتر طبعا اذا مكان ما ادله ..

tweety يقول...

dilli o milli

لوووووووول
اييييييي شفتي اشلون اني مو هينة ومفتحة بالفيمتو من اول مرة جكيتكم...بس عاد التباسكو هذي قوية وايد
مشكورة عالاهداء ...عسى عاد شفتي إهدائي لج ؟


bo 9ali7

أفا يا بو صالح تضحك علي ! ترى محد كامل بهالدنيا يعني شنو غسالة وموقد مو مهم في اشياء اهم ( اهم شي انه موقد ) :p


mishari

يه يه يا بختي ميشو يأيدني !

والله مصر عاملة فيك عمايل لدرجة ليلحين مو قادر تنسى الحنطور

خوش تان هذا كثر منه اللي مخليك تصير جنتل ورمانسي :p


cosimfree 911

شنو اللي أول مرة اتعرفه ؟
اهم شي انك حبيت اللستة ..عاد عسى من اول نظرة :p


relaaax

بعد عمري يارورو
والله انتي اللي فاهمتني وعارفة لي وترقعين

شنو هذا ناشري !!!؟؟؟؟

حياااااااااااااتي الله يوفقج بكل خطوة ويحقق لج كل امنياتج يارب


charisma

شفتي اشلون يختج ( جعلوني فضيحة ) . صاجة مو شرط غسالات ممكن نغسل بالبحر ونتبع سياسة العودة في الزمن
:p

شوفي ترى محد دلاني درب الاهداءات على روتانا الا مملوحة ودللي حبايبي والله


the tooth fairy

لووووووووووووول
يوزي عني يا بنية انا ما حطيت اسمج لا تخليني احطج في بالي واوهقج :p
4 آمين
5 اي خلاص يا زواج عن حب يا عنوسة اللون الرمادي ده انا مابحبوش والنار ولا العار يا عتريس


2u all

عاد انت لا تسطرهم لي خلني انساهم
شوف كل كلامك اوكي وحلو وعالعين والراس بس سالفة أشد حيلي وابحث عن حب هذي صعبة علي ...مو مدردحة كلش بهالسوالف وأؤمن بالصدفه في الحب يمكن من كثر ما اطالع افلام هندية لوول


what will be will be

شفتي الهنا اللي انا فيه
قرروني وخلوا فضيحتي بجلاجل

Miss Writer يقول...

عزيزتي لا تنطرين الفرصة تيي عندج
انتي روحيلها واسعي لها

عرضي كتاباتج على مطبوعات وانا متاكدة انه بياخذونج :)

go ahead..frankly u deserve it!

3AJEL يقول...

غرقان بالشغل
سؤالي هو التق هذا لازم اسويه بوست عندي صح

tweety يقول...

miss writer

انشالله i will
بس يبيلي أجدم
مشكورة عزيزتي على التشجيع الدائم


3ajel

سوري اذا ورطتك والله مو قصدي بس أنت غامض شوي قلنا انتحرش فيك جود انعرف عنك أكثر
اي لازم تسوي بوست وتكتب فيه 5 فضايح عنك قابلة للنشر

Sara يقول...

إن كنت تودين العمل بمجلة محترمة اقترح عليك مجلة الديرة الشبابية وإن كنت تريدين العمل بجريدة انصحك بالطليعة والوطن، فلا تقتربي من القبس

لا أنصحك بالزواج عن حب تزوجي بالطريقة التقليدي وخذي فترة خطوبة للتعرف على الشاب المتقدم وراح تجبينه مع الايام صدقيني :)

تشرفت بزيارة مدونتك :)