الأحد، ديسمبر ٣١، ٢٠٠٦

يا عسى أيامنا كلها أعياد





حبايبي عيدكم مبارك بمناسبة عيد الأضحى

Happy New Year

وألف مبروك إعدام الطاغية صدام وتخليص العالم من شره وكانت أحلى عيدية

عساها سنة خير وفرح وحب للجميع
بهالمناسبات السعيدة ونحن مقبلين على عام جديد ما الذي ستدخلونه حياتكم أو تتمنون تحقيقه وماالذي ستخرجونه من حياتكم وتتركونه ورائكم ؟
رجاءا الإجابة تكون صريحة وواضحة وتكتب على ورقة منفصلة
فالإجابات العامة لن تحتسب من ضمن الدرجة النهائية , شدوا حيلكم
:p
لكم :
زملائي , أصدقائي ... في أواخر سنة 2006 سعدت بكم ومعكم
شكرا على تزيينكم حياتي

هناك ٣٧ تعليقًا:

Mamloo7a Q8ia يقول...

بسمة القلب والروح
عيدج مبارك وعساج من العايدين الفايزين
وكل سنه وانتي بالف خير ويجعلها عليج سنه جديده وسعيده
والف مبروك علينا كلنا اعدام صدام

راح ادخل التفاؤل والمحبه الصادقه والتسامح في السنه الجديده
وراح اراجع حساباتي الماليه والشخصيه ومحاولة تنظيمها
وراح اترك كل جروح واحزان واحباطات واخطاء 2007

سعدنا اكثر بك
وكل الشكر لج لوضع البسمه على شفاهنا

Mamloo7a Q8ia يقول...

كللللللوووووووللللوووش
اول تعليق في السنه الجديده

هاااااااا
عسى صلحتي ورقتي؟؟؟
وعساني من الناجحين؟؟؟
ههههههه

الاء سعود المجيبل يقول...

عساج من العايدين والفايزين يا رب وكل عام وانتي بخير...:)


خووش اغنية اتيننن...^___*


اتمنا ان يعم السلام على الارض وطبعا هالشيء مستحيل بس ان شاء الله يقل...:)


واتمنى ان الله يشفي كل مريض ....يشفي ابوي المريض ويشفي العزيز....:)

واللهم زد من يحبني جنونا بي وامنح من يكرهني نعمة العقل خخخخخ

حسام بن ضرار يقول...

عيدكم مبارك

وسنة جديدة مليئة بالخير و السعادة للجميع آمين يا رب

وكل عام وانتم بخير

q8y_saint يقول...

عيدج مبارك وكل عام ونتي بخير يارب
و كل عام ونتي بألف خير
2006 كانت سنه تعيسه
ياربي تكون سنة 2007 سعيده على الكل

Mamloo7a Q8ia يقول...

عفوا ابله تويتي
عندي تصحيح في ورقتي
راح اترك كل جروح واحزان واحباطات واخطاء 2006
وليس 2007 لانها توها باديه ما عرفنا لحد الان خيرها من شرها

elq87obi يقول...

كل عام و انت بخير و عساج من العايدين و الفايزين و هابي نيو يير :) و مبروك علينا كلنا اعدام صدام

بالنسبه لي

عام 2006 المؤسف الحزين فيه موت والدنا الشيخ جابر الله يرحمه و يغفرله و موت رفيج الوالد الله يرحمه و يغفرله اخو دنيا و الله بالنسبه لي كان عام جميل جدا تحققت فيه بعض امانيي و الحمدلله و باقي البعض الثاني و اللي ان شاء الله احاول تحقيقه في 2007

في 2007

اول شيء اتمنى للعالم انه يعيش بسلام و حب و كافي حروب و دمار

و اتمنى تحقيق النجاحات في جميع مجالات حياتي

و اتمنى لكم كلكم يا بلوقرز انه تتحقق كل امانيكم و يكون عام سعاده علينا و عليكم :)

و من ضمن امنياتي اللا متناهيه :) اتمنى ان تسنح لي الفرصه و لو مره اقابل اخوي و اكلمه بعيد عن اي احد :)

ووووو بس :)

نون النساء يقول...

كل عام وانتي بخير
وسنة سعيدة على الكل يااارب


تويييييتيييي

مشكوورة على اغنية سليمان زيمان
كاااانت روعة

Unknown يقول...

كل عام و أنت بخير

DiLLi O MiLLi يقول...
أزال أحد مشرفي المدونة هذا التعليق.
Mother Courage يقول...

Happy New Year =)

DiLLi O MiLLi يقول...

كل عااام وأنت بألف صحه وسلامه
:)
ومشكوره على هالعيديه الحلوه اللي صار لنا 16 سنه
ناطرينها
وأحب أبارك حق كل بيت كويتي فقد عزيز أو له أسير براس الطاغيه صدام

أحب أترك كل شي كدرني بسنة 2006 وأحب
أدخل كل شي يونسني في سنة 2007

مشكوره على الأغنيه الرائعه ومن أفضل المغنيين عندي شرين وفضل شاكر

تويتي أنتي جنج أنا أحب أحط أغاني ترتبط بموضوع معين ، وعندي أغاني وايد تذكرني بصداقات ومواقف هعينه
:)
وهذي أغنيه مني لج يا عسل
أهداء
:*

Warda يقول...

كل عام و انتي بخير

و عيدج مبارك

كل سنه اقول اني خلاص راح اسوي رجيم و اضعف و ما تصير اخر السنه الا انا سامنتلي 3-5 كيلوات
فانشاءالله نفس كل سنه ماي نيو ير رزلوشن اني اضعف
و الله كريم

:)

The Simper يقول...

happy new year to u.. and wish u all the best inshala in all aspects of ur life :)

Alather يقول...

عيدج مبارك
وكل عام وانتي بخير
:)

moodless يقول...

كل عام وانتوا جميعا بخير
واتمنى تكون سنة افضل انشالله
...
مالذي سأخرجه من حياتي
اعتقد لا شيء. راضي عن السنة الماضية رغم ما فيها من عيوب..كثيره :)
...
ما الذي سأدخله الى حياتي
الكثير من العمل، وبعض الاحلام الجديده

..

AuThoress يقول...

أعيادكم فرح وبسمة حقيقية نابعة من القلب / من العُمق.... عسى أن تتجلى احلامكم أمام أعينكم كما تشتهونها



عني أنا،التمسّك بالمؤشرات الخاصة،تعميق قراءاتي أكثر وأكثر لأجل إبداع مكتوب أكثر إرهاقاً - لذيذاً-اتمناه يعجب الكل...وكثير لن يسعني المكان لـ طرحه بينكم ، :)


تويتي ، لك كل الامنيات الطيبة شكرا لكِ دوماً

Hitman1 يقول...

Happy new year dear

One thing I want to do in this new year, is correct a big mistake I did in 2006.

PearL يقول...

عيدج مبارك
وكل عام وانتي بخير

ومشكورة على السنة الحلوة اللي امتعتينا فيها

Nescafé يقول...

عساج من العايدين والفايزين
اي والله عسى ايامنا كلها اعياد

لي حد الحين ماحددت، علشان جذي راح اضطر واسلم الورقه فاضيه
;P

Kuw_Son يقول...

عيدج مبارك و كل و انتي بخير ولو اني متأخر توني راد من الحج ..

عسى الله يجعلها سنة خير على المسلمين :)

esTeKaNa يقول...

كل العمر وانتي بخير
من عادتي بالامتحانات تنفتح قريحتي واكتب جراااايد
فكيفج ماحد قالج تسأليني
:pP~
اولا الذي سأخرجه من حياتي:
1_الكآبه والعساره اللي متسلطة علي هالسنه
2_خمسه كيلو زادو مو راضين يروحون
3_اشخاص سأخرجهم من دائرة
v.v.i.p
ارجعهم وضعهم الطبيعي بدائرة الناس العادين
4_وهدوم زايده وكتب عافسه داري
:pP~
اللي اتمنى تحقيقه:
1_احفظ قرآان شويه لانه للاسف راح مني اغلب حفظي:(
2_اتخرج هالسنه بالمعدل اللي اطمح له
3_احافظ على وزن مثالي
4_......
وسلامتج وتعيشين
:)))

KQ8 يقول...

عيدج مبارك اختي وكل عام وانتي بخير

وان شاء الله يكون هذا العام عام خير عليج وعلى الاهل والاسرة الكريمه

ReLaaaX يقول...

انا FA


والكورس الياي اسجلها عندج ياحيل الله شنسوي ;p


لا والله كتبتها عند مملوحه ..




الوصول للوزن المثالي :) عاد البرد اييوع وانا اختج .. بس لتحقيق الهدف طعم خاص


+ الجانب الايماني يحتاج تقويه .. وودي اشترك بدورة عشان صج التزم بالحفظ :)


والحج خوش يعني اذا بحج القى معاي احد ^_^ خلاص ببدي حنه من الحين




اهدافج وااايد حلوه مملوحه بس عندي ملاحظه صغيرونه .. بينج وبين نفسج كتبي الاطباع اللي تبين تتخلصين منها عشان يبدي عقلج الباطن يتبرمج ان يتخلص منها



امممم بالنسبة لحب نفسي .. هم حددي فيها شنو الاشيا اللي تحتاجين للاهتمام فيها .. بالنسبة لي حطيت لي جدول عناية بصور لج اياه بس لاتضحكين علي :)


وبديت المشوار بروحتي حق طبيبة الجلدية عشان تعطيني حلول حق بعض الاشيا اللي موعاجبتني بجسمي وناطرة الشتى يخلص عشان اصرف الادوية لأني متعييزه احط شي الحين بهالبرد بس محددته بشهر 2 او 3 ببلش بإذن الواحد الاحد


وهم من ضمن الاهتمامات بنفسي المراجعة الدورية حق طبيبة الاسنان :)


وباجي الاشيا تعتبر للترفيه وممكن تضاف للخطه --> على فكرة طبعت لي كلندر وحددت فيها بالايام شنو اللي ابيه .. المهم انجزها حتى لو اضطريت اني ااجلها جم يوم


جني خذيت راحتي وكتبت لج قصة حياتي ؟ ;p



tra sawwait copy w paste ;p e5thay elli yafi be'3ar6'

Unknown يقول...

انا بطبعى انسان متفائل:)
وفوق هذا احب اى رقم فيه 7
اول شى
راح ابتدى انشاء الله برنامج الدكتوارة
ثانى شى اتزوج 4
ثالث شى عندى قرارت وايد باحذف بعضها وارجع بعضها
:) بس

3abeer يقول...

توييتي الأمــوره

عساعا سنة خير عليج وعاى أحبابج كلهم

أنا أتمنى إني أحقق كل الأمور اللي حطيتها بلستة البوست الأخير... وأغلبها مو صعب بس يحتاج لجهد جهيـــد

تهقين أقدر... التشجيع مطلوب

wi happy new year ya 7ilo ;P

tweety يقول...

mamloo7a q8ia

يابعد عمري والله تحرجيني بهالكلام الحلو ..وانتوا ياما دخلتوا الفرحة على قلبي
أفا عليج أنتي الاولى على الصف بحطلج نجمة عشان إجابتج نموذجية وورقتج نظيفة وخطج حلو ولأنج أول وحدة سلمتي الورقة
:p
نطري مني هدية


q8ya

وانتي بخير حبوبة ...الظاهر ذوقنا واحد بالاغاني :)
اول شي الله يشافي الوالد ويسلمه من كل شر ويخلي لكم ذخر اهو وكل من يعز عليج
اعجبتني الامنية الثالثة مع اني متأكدة ان اللي يكرهج حده ماعنده سالفة وماله بالطيب نصيب


حسام بن ضرار

هلا والله
وانت بخير وصحة وسلامة


q8 saint

وانت بخير
من العايدين الفايزين
انشالله يارب تكون سنة خير أنا متفائلة


mamloo7a q8ia

ماعليج أنا صححت الخطأ ولا يهمج إنتي ليلحين الاولى حافظي على هالمستوى
:p


elq8 7obi

وانت بخير والله يبارك فيك
آمين يارب تتحقق كل أمنياتك ورغباتك وانشالله الله يجمعك بأخوك ولا يفرقكم
سلاااامز
:P


نون النساء

وانتي بخير يالغالية
انتي المشكورة ..فرحتيني لما قلتي تحبينها


kitty

هلا بالطيب الغالي
عزيز وشوفتك منوة
أنا أقول راجعي نفسج مرة ثانية ..لو تحسبين الناس اللي يحبونج ويزورونج بتلاقينهم أضعاف اللي يهاجمونج أو ينتقدونج فلا تخلينا نفقدج , الله يعلم ان هالكلام انا اقول جدامج ووراج ترى ماشفنا منج الا كل خير وماعنده سالفة اللي ما يفهمج

أي فضل صوته روعة هم مارحت حفلته ..البخت يختج

يارب ينولج اللي في بالج ويجعلها سنة خير عليج وعلى كل من يعز عليج


Tarek

وأنت بخير
وعيدك مبارك
فرصة سعيدة أتعرف عليك وتشرفت بزيارتك


brava valentia

u 2
wish all the best inshalla


dilli o milli

وانتي بخير
والله يا دللي لو رادة علي جان ما نطرتكم يوم بس حكمة ربج يمهل ولا يهمل

اي انا جذي كل اغنية لها ذكرى
حبوبة إهدائج وصل بس الاغنية ما فتحت معاي :(


warda

وانتي بخير , من العايدين الفايزين
وااااااااااااااي اي اي وانتي الصاجة هال5 كيلو معذبيني مو راضين ينزلون !! والجو كلش ما يشجع لا على الريجيم ولا الرياضة
إذا عرفتي اشلون نقضي عليهم قوليلي ينوبك فيا ثواب

tweety يقول...

the simper

thanx dear same 2 u
wish u all the best


Angle^Heart

أولا كل عام وانتي بخير
ثانيا لا تتعبين ..تفائلوا بالخير تجدوه
انشالله عقبال ما تبشرينا بأفراحج


Alather

وانتي بخير وصحة وسلامة
من العايدين الفايزين
بس ما قلتيلنا شنو أمنياتج


moodless

انشالله تكون سنة أفضل
يعجبني أن تجمع في أمنيتك بين الحلم والعمل الله يوفقك انشالله


Authoress

عزيزتي أتمنى لك مزيدا من الاحلام ...مزيدا من الطموح ...مزيدا من النجاح الذي حتما ستستحقينه
عفوا ما سوينا الا الواجب


Hitman

same 2 u
there is always another chance
wc n my blog :)


pearl

وانتي بخير , من العايدين الفايزين
العفو حبيبتي
ألف شكر لكم فقد أمتعتم حياتي بتواجدكم حولي


nescafe

هالمرة سماح
بس شدي حيلج حق الميد تيرم الياي
:p
موفقة انشالله بكل أمنياتج


kuw_son

وانت بخير وصحة وسلامة
حج مبرور وسعي مشكور وذنب مغفور
الفالي لي انشالله


estekana

حبيبتي أخذي راحتج وانطلقي
شوفي هال5 كيلوات أنا وياج ووردة نفس المعاناة اللع يعينا
خوش طموحات
شدي حيلج وانشالله توصلين للي تبينه وأكثر آمين يارب
تستاهل استكانتنا :)


krakatoa

وانت بخير ومن العايدين الفايزين انشالله
أجمعين انشالله


relaaax

لوووول
اي طبعا FA
لأنج ما تحضرين المحاضرات كله غياب :p

يالله زادوا ربعي اللي بيضعفون ..أنا نفس المأساة بس مأجلة الريجيم لما بعد البرد القارص الزمهريري لضمان أفضل النتائج
لاااااااااااا اتيبين طاري الاسنان عندي موعد هالشهر

لاتحاتين أسويلج كيرف وانجحج
:p


mishari

هلا والله بحجي مشاري
تقبل الله طاعتك والفال لنا يارب
الله يوفقك بكل اللي تطمح له ..بس عاد دكتور ومتزوج 4 !!! ماتركب


3abeer

انشالله تقدرين ونص واللي قدروا مو أحسن منج
أفا عليج انييب لج رابطة المشجعين بكبرها دام قاعدين يشجعون هالمنتخب وماكو فايدة انييبهم يشجعونا أحسن

DiLLi O MiLLi يقول...

لالالالا...موو قبول !! خذي هذا للنك
عبدالمجيد عبدالله
وبعدين الأهداء ضغطي على أغنيته : عسل دوعن
:)

sOulvOice يقول...

اكتئــــــــــــــــــــــاب شتوي



حموت ياتوتو حموووووت الجو يابلي الضاغوط


بالنسبة لاماني العام اليديد ماكو شي معين امفكرة فيه بس امفكرة اصير نسرة وقبل كل هذا اطلب من ربي الصحة والعافية

مشكورة ياقمر

3ateeja يقول...

كل عام وانتي بخير وعيدج مبارك
اريد ان اترك وراي كل انسان خير ظني ب2006 وكانوا وايد للأسف واقدر اقول انها اكثر سنه ....
وبكمل مسيرتي بالحياة اللي بديت فيها ...فالضربه التي لاتميتني تقويني
بيمع بيزات .... <<< اقص ريلي مو ايدي
بهون عن المطاعم
بجتهد ...
بحاول نفس كل سنه اني ارضى امي وابوي
بحاول اذا وبديت اذا احد طلبني افكر قبل لا اقوله افا عليك ومن ايدك هذي لي ايدك هذي
وبس

Mohammad Al-Yousifi يقول...

ايامج سعيدة:)

Mamloo7a Q8ia يقول...

توتا تراني قاعده على باب البلوق انطر الهديه
مت من البرد

أُكتب بالرصاص يقول...

يا ستي كل عام وانت بخير
وقريقعان مبارك

وان شاء الله السنة الجاية .. نعدم اللي اعدموا صدام


تهنئتي الحارة بإعدام صدام


ويجعل ايامانا كلها مبارك

sologa-bologa يقول...

ترا العيد خلص من اسبوعين

وكل سنة وانتم طيبين


ننتظر الجديد
بشغففففف

ودمتم

Mamloo7a Q8ia يقول...

بررررد و مممممطرررر
ولسه عندي امل بالهديه
اشتقنا يالغاليه
برررررد

tweety يقول...

Dilli O Milli

حبيبتي اللنك ما اشتغل معاي
بس سمعت الاغنية اتينن
مشكورة عالاهداء يا عسل
:*


soulvoice

ايييييه صاجه
انا صار معاي اكتئاب وحزن دائم , فيلم هندي صاير على كل شي ابجي

لوووووووول
احس بتصيرين احلى نسرة
:p


3ateeja

وانتي بخير
ايه عاد هذي عيزنا واحنا نقول بنيمع بيزات بس ماكو فايدة ايدنا تاكلنا

الله يوفقج انشالله واتحققين كل اللي في بالج


killa ma6goog

من العايدين الفايزين حجينا
:)
تقبل الله طاعتك


mamloo7a q8ia

حبيبتي والله ليش توقفين !!!؟ انتي الداشة واحنا الطالعين أفا عليج بس
تفضلي حياج ..جاي , قهوه ,جوكليت

ترى مو ناسيتج والله الهدية انشالله تعجبج


اكتب بالرصاص

وانت بخير
لووول
قرقيعان ايه اللي انت جاي تقول عليه !!؟
القرقيعان خلص بس برمضان

شكرا على التهاني وعلى التواصل
الله يجعل ايامكم مثل ما تحب يا رب


sologa bologa

صديقي العزيز
السموحة والله الظروف عفستني راح أقولكم عنها انشالله وافش خلقي

التحلطم الساطع آآآآت


mamloo7a q8ia

ليل ورعد وبرد وريح دنيا بره مجنونة

يابعد عمري مشكورة على السؤال
وانا مشتاقتلج وايد
:*