الثلاثاء، سبتمبر 19، 2006

الفرحة مش سايعاني ياخوااااااااااااااااتي




صار لي جم يوم مالي خلق أكتب شي يمكن لأني كنت ناطرة وانا على خدي أحط ايدي واحاسب روحي بروحي ا انتهاء هالاسبوع المليق اللي مر علي أطول من الدهر , باجر آخر يوم دوام بعدها اتبلش إجازتي طبعا بهالمناسبة العظيمة يبيله صوت يبّاب :p
قولولولولولولولولولولولولولولولوللووللولولوللولولوش
ما بغيت أرتاح وأفتك من قعدة الصبح والازعاج واللوية والصداع وضغطي اللي وصل لي الستار طبعا وايد لاموني اني باخذ اجازتي برمضان لأن الدوام خفيف هذا المفروض ! بس بالنسبة لنا الدوام مضغوط والشغل على ودنه , بعدين من له خلق يقعد من الصبح برمضان ويجابل مراجعين تقول محد صايم الا اهم وماكو مكان يروحون له كل يوم طاقين ويوهم شلاله ويايين
قولوا آمين عسى أول ما اتخلص الاجازة والا أنا في مكان ثاني
وبما أني خذيت على نفسي عهد أني أفضي نفسي عالآخر حق رمضان والإجازة يسعدني أني أعين وأعاون : أحد منكم سبحان الله طافته حلقة من مسلسل والا برنامج ما شافه وبيعرف اشفيه والا خير شر ماعنده وقت ويبي أسوي لي تقرير مختصر عن عمل معين
لا يرده الا لسانه وان نجحت بهالمهمة أوعدكم أني أفكر في افتتاح قناة فضائية قريبا
:p

هناك 27 تعليقًا:

Mamloo7a Q8ia يقول...

اجازه سعيده يا تويتي والله يخليك ذخرا للبلوقريه
ومبارك عليك الشهر وتعودينه من السالمين

Mamloo7a Q8ia يقول...

شنو سالفة اليباب هالايام عسى مو مرض معدي من السنعوسي ؟؟؟

tweety يقول...

mamloo7a q8ia
مشكورة حبيبتي علينا وعليج انشالله
انا يختج مادري اشفيني هالايام امشي وايبب !! اصلا انا احب اليباب واتفائل فيه بس شسالفة السنعوسي !؟
لووول
متى يبب !!!!!!!!!!!!!!!؟

Mamloo7a Q8ia يقول...

شوفي بلوق
dilliomilli.blogspot.com

Fuzzy يقول...

انا كل سنه آخذ اجازة رمضان كله .. ان شاء الله تلاقين الوظيفة اللي ببالج.. ودام انج في اجازة .. يمدحون قناتين رمضان هذا .. اليمن والسودان لا يطوفونج هاهاها

والله من كثر المسلسلات ما ندري شنشوف وشنخلي
!

the tooth.fairy يقول...

اقول تويتي دامج ماخذه اجازة
اشرايج اتسيرين واتيين عندي

منها اجازة ومنها تغيير جو

ومنها اتعينييني وتعاونيني على الطباخ

ومنها ونيس يقعد معاي و يرد علي الونس

:P

اشقلتي

Please make up your mind quick, because the offer is to a limited shesma :P


:**

soulvoice يقول...

اول ما قريت العنوان قلت يا لقت الوظيفة اللي تبيها يا تزوجت


مابي اقول عن نفسي متخلفة ههههههه قمنا نقرن السعادة بالوظيفة والزواج بسسسس


ماعلينا


استانسي كثر ماتقدرين وكلما تييلج فرصة نامي واستغلي هاللحظات الذهبية


واثقة ان هالاجازة بطلع مواهبج الكتابية المدفونة :))

مبارك عليج الشهر وبوسيلي تويتي

Manooya يقول...

مبارك عليج الشهر يا تويتي ^_^

انا قايله بجابل عبادتي لوول سجليلي المسلسلات لان الصبح دوام وبليل بتعبد ما يمديني اطالع ;p

حطيهم على دي في ديات عشان منها اشوفهم ومنها نبيعهم بعدين والربحية ففتي ففتي بيني وبينج عشان انا صاحبة الفكرة وانتي نفذتي -_*

ها موافقة =) ؟


اي صح .. انشالله دووم مستانسة ^_^

lawyer يقول...

علييييييييييييييييج بالعافيه

هالله هالله في النقصات السنعه برمضاااااااان

خوووووووووو بعد ما عندج دوااااااااام ضبطينا :)

Michomeme يقول...

مبروك الاجازة
ورمضان كريم على الجميع
وان شاء الله صيام مقبول
مقدما



تحياتي
ميشو من العراق

neelaah يقول...

عليج بالعافيه

المهم

ابيج تركزين معاي
في مسلسلات يمكن اتطوفنه
مني مناك
ابيج مجابله التلفزيون

و مثبته

و اكيد راح ازعجج

طولي بابج علي ماشي

ReLaaaX يقول...

والله لو اعرف ايبب جان يببت لج



:) الله يبلغنا اياه ياربي ويعينا على صيامه




خلاص عيل قعدي دوري وياي اطباق سريعه خفيفه ظريفه .. عشان اقولهم شغل ايدي ;p

AyyA يقول...

Please make a full preview, I’m the lazy type that hate doing the search on my own, but concentrate on historical series since others give me indigestion…;)
Waiting and anticipating

العين الساهرة يقول...

إجازة سعيدة إنشاء الله والله يتقبل طاعتج. ولا تكثرين من المسلسلات ترى بعدين الفيوزات تضرب وتتداخل المواضيع وتقعدين تقطين خيط وخيط. بما إنى لست من هواة التلفزيون لا في رمضان ولا في غيره، فلإنى أنصحج بمتابعة قناة أم بي سي لأن شكلهم هالسنة مختارين أحسن المسلسلات ، يبين من دعايتهم . والله يتقبل صيامنا وقيامنا اللهم آمين

Charisma يقول...

علييج بالف عافيه
وانا وراج بعد
انتجابل يا تويتى
انا قلت بحط لكم اكلات
اطباق وطرق بصير الشف كيتى

احلى اجازه برمضان
يختج يصير له طعم

سالفة قلب يقول...

عليج بالعافيه واجازه سعيده يارب

وانشالله اتحققين اهدافج

وربي يتقبل منا ومنج رمضان وصالح الاعمال

tweety يقول...

fuzzy
اشوه في احد بيعاوني على المسلسلات :p
بس جني سمعت ان قناة السودان بيشفرونها من كثر مازاد عدد متابعين اعمالها الحصرية لووول
اتوقع ايبين المسلسل من اول 3 حلقات
مشكور على الدعوة صج محتاجتها والله يحقق لك كل اللي في بالك انشالله

butterfly
بوبو حبيبتي
ياريت ودي منها أفتك من اللوية والزحمة اللي عندنا بكل مكان ومنها أشوفج وأقضي جم يوم وياج بس متى يأذن المغرب عندكم !!؟

soulvoice
الله يسمع منج من بؤك لباب السما :p
أحلى شي ان انام واقعد غلى كيفي , عاد صار لي سنة وشي ماخذيت اجازة طويلة فأحس طاقتي كلها استنزفت خل أشحن بطاريتي وانشالله مواهبنا المدفونة تسوى
حبيبتي علينا وعليج عقبال ما نسمع عنج اخبار تفرح

manooya
حبوبة علينا وعليج
انشاالله والغنيمة ...عند ويهج
خوش فكرة بس يبيلنا واحد يبسط فيهم جبال الحمعية ويبيعهم اتهقين منو نختار حق هالمهمة !؟ يبيلنا واحد او وحدة ضعيفة حق النحشة لي وصلت البلدية
لوول

lawyer
الله يعافيج
عاد انا من اللي يعجبونج بالاكل اما الطباخ الله بالخير
بس ولا يهمج راح أتفنتك لكم وأقولكم آخر الاخبار , عسى ما احرق مطبخنا
لوول

micho meme
حبيبتي ميشو
مبارك عليج الشهر وكل سنة وانتي طيبة
الله يتقبل منا ومنج
تحياتي لج وللأهل والحبايب

neelaah
الله يعافيج
انشالله بتمقل بهالمسلسلات وادرسهم عدل وارفع لج التقارير
تامرين أمر

relaaax
آمين يا رب
اي والله يبيله اهلي عيزوا واهم يعايروني اني ما اسوي لهم شي برمضان

tweety يقول...

ayya
loool
i will inshallah as much as i could
انشالله أكون خوش متابعة فنية :)

العين الساهرة
منا ومنج يالغالية
عاد انا فيوزاتي ضاربة من الحين يبيلي أريح وأفضي بالي اشوي
يقولج حتى دبي وفنون خوش برامج ..ياربي اشبقى لووول

kitty
الله يعافيج
يالله شدي حيلج أني مسئولة شئون الطبخ اعتمادنا عليج :p
اتصدقين ما تحسين بجو رمضان اذا دوام ولوية

سالفة قلب
الله يعافيج حبوبة
آمين يارب

the tooth.fairy يقول...

This year ra7 yabdi il athan 6:39 pm oo eybacher lamma you9al 5:50 pm

y3ni zain! esena elli 6afat wusal 4:45 :P

Bss sahalat wil jaw ebraid. eshgeltaii??

Fuzzy يقول...

وين جدول المسلسلات اللي سوته الوالده ؟ نبي نسخه منه بوووووووست يالله ما بقى اللا يومين .. القنوات نحاسه موراضين اكثرهم يحطون مواعيد العرض للحين
بس القنوات الاساسيه هي

الراي
دبي
أم بي سي 1
سما دبي
الكويت

و أل بي سي و المستقبل و ابوظبي بيعرضون جم مسلسل

جني بشتري ريسيفر اللي يسجل هاهاها استغفر الله يتسلطون علينا بالمسلسلات برمضان

يالله بوووووووست جدول
:)

ومبارك عليكم الشهر

Manooya يقول...

انا ارشح البنغالي مال دوامنا اسمه ابو الكلام بس ما يعرف يقط كلمتين على بعض لا تساليني شلون =\

بس حق النحشات يعجبج =)

FREEQ8 يقول...

عدل يا تويتي
أحسن ما سويتي ... أحلى عطله هى برمضان ... ونبي منك الملخص المفيد
ومبارك عليك الشهر ... وعساك من عواده

وحلو عليك اليباب ... بس مو على الي ما ينطرى

nice يقول...

مبارك عليج رمضان
واجازة سعيدة وتسوين فيها رحلة سعيدة
وبشريني شلون عويناتج ؟
اتمنى تكونين بخير

mishari يقول...

اول شى زين سويتى انا كانت اجازتى برمضان بعدين اجلتها لى نص رمضان طلعلى شغل بالنص:(

والله سكتى صارلى سنة وشى لى الحين مو طالع اجازة وحالتى حالة

وبعدين رمضان ما يبققون عيونهم بس على التلفزيون
:)
مسكى مصحفج وختميه وصلى مسحى بالذنووووب لان كلنا داشين رمضان بعد سنة طويلة سوينا كلنا اغلاط وايد
مو كافى حش الحريم؟؟؟
واذا تقولين انا ما احش يعنى انتى مو مرة :p :))

arwa يقول...

مبارك عليك الشهر
ومبروكيشن على الاجازه

m_betohm يقول...

وانا بزغرط لج

كلووووووووووووولللللللللللليييييييييييش

واوووووويها الله يوفقك لكل ماتتمنين يااااارب

بس اذا فتحتي قناة فضائية تكفين اخذي معاك ابي اشتغل خلف الكواليس اذا ممكن لوووووووولات

والله يوفقك لكل عمل خير ان شاء الله

ومبارك عليك الشهر وجعله شهر خير وبركة على المسلمين جميعا يااارب

اتمنى لك ايام حلوة

tweety يقول...

butterfly
يا سلام !!
شوقتيني ترى

fuzzy
لوووول ...قلت لها وقالت نفس الشي مو كل المحطات حاطة التوقيت
الله وكيلك الجدول ليلحين بس صار 3 صفحات وهوبعده ما كمل !!!
علينا وعليك انشالله

manooya
لوووووول
اهم شي بس ياختج اذا ما يتكلم اشلون يحاجي الزباين !؟ انحط مسجل يمه ؟؟
:p

freeq8
انشالله أفا عليك , تامر امر
وعلينا وعليك عساك من العايدين الفايزين
تصدق عاد اللي ماينطرى ليلحين ماعرفت ليش ومتي يبب !!

nice
علينا وعليك
والله يسمع منك انشالله ,الحمدالله أحسن

mishari
أنا نفسك ما تشوف زر عقلي يوم خذيت الاجازة مو مصدقة
بس تعال الحين منو قال بس بنجابل التلفزيون !! انشالله الله يعيننا ويغفر لنا واشدعوه بس الحريم اللي يحشون !!؟ بالدواوين عيل انتوا شتسوون كل يوم !!؟
وبعدين انا مرة وما احب احش :p
يوز عني

arwa
علينا وعليج حبيبتي
والله يبارك فيج

m-betohm
مشكورة والله يوفقج انتي بعد
انشالله من عيوني أخليج تشتغلين معاي
مبارك عليج الشهر
والساعة المباركة اللي زرتينا فيها