الجمعة، يوليو ٢١، ٢٠٠٦

هي ..أطول


هل من الصعب ان يتزوج رجل امرأة أطول منه !؟
وما الصعب في ذلك ؟ أهو أمر محرج ؟
كثير ما نشاهد رجل متزوج من امرأة ( توصل عند خصره ) ويذكرني المشهد في فيلم كابي خوشي كابي غم لما الممثلة جايا باتشان زوجة اميتاب باتشان ( في الحقيقة ايضا) تحط سلم تصعد عليه عشان تربط له الكرفتة .أشوه أن رياييلنا الغالبية منهم ما يلبسون كرفتات
اذن مالمشكلة في زواج المرأة من رجل يقصرها ...هل الرجل هو من لا يحبذ ذلك أم المرأة هي التي تحرج وترفض؟ وفي العموم هل الحرج من الشخص نفسه أو من نظرات الناس وتعليقاتهم؟ ولماذا الاستغراب فقط إن كانا زوجين ؟ أي لوخرج رجل مع امرأة بغض النظر عن صلتها به أمه , زميلته , قربيته وكانت اطول منه هل سيحرجا؟ وهل ستلفت أنظار الناس لهما ؟ احدى صديقاتي تقول أطلع مع ريلي بس ما نمشي يم بعض ! هل تتفقون مع هالكلام والا تقولون نيكول كدمان وتوم كروز مو احسن منا؟ اتهقون عشان هالسبب تطلقوا !؟
يقال والعهدة على الراوي ( محد قال أنا قريت ) أن لما سألوا نيكول كيدمان ما الآثار المترتبة جراء طلاقك من توم كروز أجابت : أصبحت أتمكن من ارتداء الكعب العالي متى أردت دون حرج..عجبني الرد.. هما دول النسوان والا بلاش
:p

هناك ٢٩ تعليقًا:

Fuzzy يقول...

نيكول كيدمان مليقة و توم كروز أملق منها صراحه هاهاها

انا ما فكرت بسالفة الطول بين الزوج والزوجة ..

لكن مع أصدقائي .. طول عمري يا أمشي جدام بروحي يا أمشي ورا .. ما يرضون يمشون يمي :( كل هذا لاني طويل .. شقولهم لبسوا نعال كعب عالي هاهاها

ما أدري شنو أهمية الطول أو القصر .. لكن الناس عندهم هالشي مهم مادري ليش صراحة !

غير معرف يقول...

موضوع مثير ومحير بالنسبة للبعض :) , مادري يمكن اللي تعودناه ان الريال اهو اطول دايما لان الاطول يعطي انطباع ان اهو الاقوى والاضخم , عن نسي ماعندي مشكلة طولي زين 173 لكن مرات افكر ودي ادورلي امراة من فنزويلا بس المشكله هناك يطوفوني و يفرقون عني بعشرة سانتي وفوق :) .

bojsoom يقول...

قد يكون في احراج خاصة عند الرجل إن يمشي مع إمرأة أطول منه :) ..

مو الكل بس الغالبية ، بالنسبة لي ما تفرق وايد لكن اذا كانت اطول مني بوايد فأكيد مو شي ، شكلنا غلط لووول :) ..


موضوع طيب تشكرون عليه :) ..

freeq8 يقول...

تويتي

كعم 000كلامك صح000 أكو ناس قصار يتعقدون000 من الطويل 000 سواء كان رجل او أمراه000 وممكن هذا يكون لأتهم بالأصل قصار000أنا ما عندي مشكله من الاساس000 لأني طويل000 المشكله تكمن مع اصحابي الأقصر مني من الجنسين ما يمشون بجانبي
أما تأثيرها على الزواج 000أنا ما عندي مشكله000بس أكو وايد رجال يحبون البنت أقصر منهم 000وهناك نساء يحبون الرجل اطول منهم
فالمسأله في النهايه أذواق

sOulvOice يقول...

تويتي :)


شخصيا ما احب المرة تكون اطول من الريال مو عشان شي ولكن كشكل مو حلو يمشون يم بعض واهي اطول منه

ونفس الشغله ماحب ريال طويل واايد وزوجته دقمة ,,حلاته يكون فيه تناسب بالطول بينهم


مشكوورة حبيبتي

Alia يقول...

المشكلة مو في الطول والقصر
المهم انهم يكونون متفاهمين
يعني مو فشلة ولا شي

esTeKaNa يقول...

ذكرتيني في واحده من اهلي
في عرسها لبست جوتي باليه وانتي بكرامه
وما سوت تسريحه
عشان يصير شكلها مناسب وما تكون اطول من زوجها
:)))

مادري بس احس الفكرة مترسخه في بال كل بنت:
طويل عريض المنكبين
pP~
ولاحساسنا انه الاطول دائما اقوى
:)
متابعه دائمه لبلوقج المميز جدا

ReLaaaX يقول...

مابي أرد بمثالية :)

بس مافكرت بهالموضوع كلش ملش .. خصوصاً الشكل خوفج احلم بشي ويشرف شي ثاني ^_^

ووو بس شفت جميع الأشكال موجودين بالعايلة .. يعني فيه عندنا اطوالهم متناسبة وهذا الأغلب ولله الحمد .. وفيه طول بعض بالطول وبالقصر .. وفيه الريال أطول وفيه الريال أقصر .. بس الفقر شوية مو وايد


وعموماً طول البنات من 155 إلى 165 أطوال الغالبية ..


ونسبة البنات الطوال شوية مقارنة مع الطول المذكور آنفاً ---> لاحظي اللغة



لا جد يعني كليتي مثلا .. !!!! درست فيها ولاحظت الاطوال .. يمكن بدون مبالغة نسبة الطوال 15% مقارنة مع الباجي تلاقينهم اغلبهم نفس الطول اللهم جم وحده .. والله يعافي الكعوبة اللي لاعبة دور


شطينا عن الموضوع شوي .. المهم والأهم إني مافكرت .. ومااقولج ان وايد تفرق عندي بس اللي تعودنا عليه مثل ماقالت استكانوه إن الريال أطول من المره


وهاكزا

Unknown يقول...

شوفى انا اول شى احمد ربى انى طويل بس اهبل :)يعنى ما اواجه هالمشكلة
لكن احس ان ما فيها شى
عادى يعنى اذا البنت طويلة ما فيها شى لكن الريال لا يصير حساس بهالموضوع لان تظل الشخصية اهم

tweety يقول...

fuzzy
أنا ما أحب توم كروز وايد بس الشيء بالشيء يذكر ...
يعني نقدر نفتخر ونقول عندنا مايكل جوردان كويتي؟
:p

hamad
على قولتك العادة جرت أن الريال أطول بس ما اتوقع في سبب غير ان هذا المألوف عندنا , حياك الله ولا تنسى اذا تزوجت الفنزويليه تعزمنا بعرسك جود ينوبنا من فنزويلا جانب :p

bojasom
احنا لو الله يفكنا من الإحراج احنا بخير
تعليقاتك اهي الطيبة ...لا تقاطع

soulvoice
هلا وغلا ...ضحكتيني على دقمة لوول ,التناسب حلو بس للأسف النصيب ما يعرف التناسب وهني مربط الفرس
حبيبتي أنا اللي أشكرج على تواصلج ولا تنسين انتي الضيفة دائمة العضوية

alia
انتي يبتي الزبدة ..أهم شي التفاهم
استانست لما شفت تعليقج

estekana
لوووول ...بس مابي أضحك خوفج أتولع بواحد اقصر مني وروح أدور على رفيجتج أتسلف منها الجوتي ( وانتوا بكرامة) بس الجملة ناقصة عريض المنكبين شلولخ ...شنو شلولخ محد يدري !؟
حبيبتي اتشرف انج اتابعين بلوقي وأنا متابعتج وأحب أسلوبج وايد

relaaa
صج ماعندنا وايد طوال لهالسبب حسيت انه موضوع لازم ينطرح ...وانتي حتقوليلي ما انا عانيت من هالمشكلة ايام الجامعة لين قلت بس , دايما اللي معاي بالسكشن قصار :(

freeq8
طبعا انت مثل fuzzy وmishari ماتحس بالمشكلة لأنك الأطول بس لو العكس يمكن جان تغير الموضوع

mishari
انت مو اهبل بس تخوره ساعات ..حاقدة عليك على سالفة ريما مكتبي لووول
صاج لو الواحد ما يصير حساس ولا يهتم بأحد أكيد ماراح ينحرج

Michomeme يقول...

الموضوع كله مسألة قناعة
الي يهتم للمظاهر اكيد راح يشوف مشكلة الطول شي كبير

لكن الي يهمه الجوهر والروح ما راح يهتم للطول

بس المشكلة بالناس نفسهم هم يعلقون وينتقدون مسالة فلان قصير وزوجته اطول منه

الاحسن
كونوا احرار بتصرفاتكم ولا تهتمون لرأي الناس ما دام الي تعلموا صح

تحياتي
ميشو من العراق

نسيت اذكر اني طولي معتدل

هههههه

Dr.Lost يقول...

height isnt such a big deal as long as she isnt way too tall for him..

the tooth.fairy يقول...

اعتقد آنا مع المثل القائل : Love Conquers all

يعني آنا شخصياَ ماتوقع زوج المستقبل راح يعاني وياي لأني
petite
فأي طول مو مشكلة! هاهاها

بس مرة ثانية، أتوقع هالشي راجع حق ثقة الرجل بنفسه و الحب القائم بين الـ
couples

و لا انتي شرايج؟

san3a_wa_laken يقول...

l0oo0l
الصراحه ما عندي مشكله اذا كان اهو الاطول او هى الاطول ؟؟ المشكله الصح ان الناس قامت تتزوج بس على الشكل .. والله شى يحر وين الاخلاق وين القيم

sOulvOice يقول...

تويتي المرة لاصارت اطول من الريال جنها امه تصير


اذكر قالولي عن دراسة سووها في دولة من دول شرق اسيا تقول ان الريال يفضل المرأة القصيرة او البتيت عشان يحس بالسلطة عليها

Fuzzy يقول...

على فكرة البنات اللي طولهم أكثر من 180 سم معدودين على الاصابع بالكويت
فما اعتقد ان الريال بينشر اعلان بالصحف يطلب بنت أطول منه لانه متفهم وما يمانع ان البنت تكون أطول

تويتي جم طولج بدون كعب ؟ هاهاهاها

S-Q8 يقول...

..wallah nQ6ah mohemah.... hmmm.. mashoofha mshkelah etha el mara kanat a6wal min el rayal... it's not a big deal! bas fe 7ad.. lana etha el mara kanat a6wal eb wayed min el rayal.. a7es t'thee3 onothat'ha.. wel 3aks 9a7ee7!!!

tweety يقول...

michomome
الجوهر والروح اهو الاهم ..اشفايدة التناسق بالشكل والتفاهم مفقود
بس الناس ما اتخلي احد بحالة
حياك بابا حياك ...شرفتي البلوق, لا تقاطعين

dr.lost
i agree with that...so far :p
nice 2 meet u in my blg , la tga6i3

kitty
شوفي في ناس مايهمهم..لأن عمره الشكل ماكان مقياس ولو تلاحظين الأغلب يراعي الإحراج بين الناس لأن عندنا متعودين على نمط معين. المشكلة لما اتكونين طويلة وتحبين تلبسين كعب :(
حياج ولا تقاطعين

butterfly
soulvoice تقول ان الريال ما بفضل الطويلة فانا اقول استغلي الوضع ..الكرة بملعبج , ولا تحاتين شي لأنج ماراح اتعرضين حق هالمشكلة
حياج ولا تقاطعين

a.a.m.3
اكيد الاولوية في اختيار الشريك اهو الاخلاق والشخصية بس الهدف من اثارة الموضوع كان ..هل ماهو غريب على ماعتدنا عليه يؤثر فعلا في علاقة الشخصين؟ ..وهل نحن من يهتم بالشكليات ام نتبعها مراعاة لآراء الناس؟
حياج ولا تقاطعين

balqees
لوووووووول والله كلامج عجبني واتفق معاه 100% , اتصدقين عاد مو اللي طولهم معتدل اللي يمشون او يتزوجون قصار وايد لا تلقينه اهو وايد طويل وهو وايد بوتيت انزين جذي احنا الطوال شنسوي ..ناخذ اقصر منا ؟
حياج ولا تقاطعين

soulvoice
لووووول حسبي الله على بليسج امه عاد!
ياربي يعني احنا الطوال شنسوي انعلق لمبات ! وتلوموني بعد مسويه جمعية
العزوبية !؟

fuzz
اكو شباب طولهم 180 عشان يصير في بنات بهالطول . انا 170 بدون كعب اذا يهمك
خو انت وسول فويس ما يحتاي أقولكم حياكم لا تقاطعون ..والا انا غلطانة؟

ni3na3ah
شوفي انا شخصيا معاج بهالكلام بس ماقدر اقول ان هذي قاعدة وان كانت فلكل قاعدة شواذ
حياج ولا تقاطعين

للجميع
مشكورين على التفاعل مع الموضوع حبايبي تعليقاتكم وزيارتكم فرحتني

9ahba'a يقول...

انا عندي الواحد ياخذ طويلة تحسن النسل و يكسب اجر بعيالة....

tweety يقول...

9ahba'a
ياعمري والله ...حبيتج على هالدعاية المجانية ,خلاص انتي مرفوع عنج الحجاب
تأكدي راح اكون ناطرة زيارتج في المرات الياية
:)

sOulvOice يقول...

ههههههههه بعد عمري طلعتي من امهات ال170

ماشالله الطول كله انشالله

طوولج روعة بس المشكلة الشباب الكويتي اطوالهم بالغالب متوسطة يعني بتتعبين شوي ,عاد انا دايما اقول بس لو الله امطولني 3سم جان اشتغلت عارضة ازياء هيهيهي قطي علينا يبا 3سم

Fuzzy يقول...

هاهاها يعني كاشخه طولج 170 سم يالقصاصه

لول

انا 190 بالصيف وبالشتا 189
وهم بدون كعب هاهاها

neelaah يقول...

شوفي
اناو زوجي تقريبا طول بعض
اول ما تزوجنا لما اطلع معاه
ما كان يرضى البس كعب

بس الحين تجاوز الموضوع

ما عندي ادنى تفسير

tweety يقول...

soulvoice
تسلمين حبيبتي ..ذوقج اللي روعة
صدقيني 3 سم مايفرقون وايد

fuzzy
أنا قلت طويلة مو طنطل :p
لا تقارنا فيك انت ماشالله فلز تنشكح بالحرارة وتتبربر بالبرورة
:p

neelah
اهم شي ان الحين ما تفرق وياكم ..اعتقد ان الواحد اهو اللي يسوي منها مشكلة مو الناس

Chai-7aleeb يقول...

المثل يقول

كل قريب من الأرض داهيه

وخافى من كل قصير

ترا مو سهلين

Unknown يقول...

ممكن سؤال؟
ليش شفيها الواحد يعبر رايها بوحدة؟
البنت ذكية وجريئة
وعندها ماجستير بالعلاقات الدولية
يعنى مو ناقصها الا اروحلها لبنان واخذها بدال ما يحوشها صاروخ اسمالله عليها:))

tweety يقول...

chai-7aleeb
لووووول
ياويلك من القصار بيذبحونك..أنا أقول امن على نفسك

mishari
ماقلنا لا تعبر عبر وحبها وموت عليها ,,اهي خوش وحدة وحليوة بس عاد مو تسوى 20 كويتية!!! تهبا
واذا بتروح الله وياك ..بس ياريت تعطيني رقم المدام عشان أقوم بالواجب
:p

غير معرف يقول...

I think that today's society is not ready yet to accept this kind of relations. Men need to dominate by their physic aspect because they are starting to notice that women can be as competent & maybe more. It's an international issue!

اريج يقول...

كلكم قصاصات